''अभिनव फाऊंडेशन''तर्फे मतदानाबाबत जनजागृती

swt35.jpg
81239
सावंतवाडी ः शहरात अभिनव फाऊंडेशन सिंधुदुर्ग या संस्थेच्यावतीने फ्लेक्स बोर्ड लावण्यात आले आहेत.

‘अभिनव फाऊंडेशन’तर्फे
मतदानाबाबत जनजागृती
सकाळ वृत्तसेवा
सावंतवाडी, ता. ३ः अभिनव फाऊंडेशन सिंधुदुर्ग या संस्थेच्या सदस्यांनी मतदानाबाबत जनजागृती होण्यासाठी शहरात ठिकठिकाणी फ्लेक्स बोर्ड लावून मतदारांचे लक्ष वेधून घेतले.
लोकसभा सार्वत्रिक निवडणूकत मतदानाचा टक्का कमी होत असल्याचे निदर्शनास येत आहे. अशातच रत्नागिरी-सिंधुदुर्ग मतदारसंघाची मतदान प्रक्रिया मंगळवारी (ता. ७) सकाळी ७ ते सायंकाळी ६ अशा वेळेत पार पडणार आहे. सर्वच मतदारांनी आपला मतदानाचा अधिकार बजावून आपले राष्ट्रीय कर्तव्य पाडावे, असे आवाहन अभिनव फाउंडेशन या संस्थेच्यावतीने करण्यात येत आहे. अत्यंत मोजक्या शब्दांत मतदान जनजागृती करणारे हे फलक लक्षवेधी ठरत आहेत. यासाठी किशोर चिटणीस, राजू केळुसकर, अण्णा म्हापसेकर या सदस्यांनी विशेष प्रयत्न केले असून विधानसभा निवडणुकी आधी संपूर्ण जिल्ह्यात मतदान जनजागृती करणार असल्याचे संस्थेच्यावतीने सांगण्यात आले.