निराधार महिलांशी संवाद

- rat२९p५.jpg-
P२५N६६९१४
साखरपा : गृहभेटीदरम्यान महिलांशी संवाद साधताना चक्रभेदीच्या वैदेही सावंत.

‘चक्रभेदी’तर्फे निराधार महिलांशी संवाद
सकाळ वृत्तसेवा
साखरपा, ता २९ : चक्रभेदी सोशल फाउंडेशन देवरूखतर्फे परिसरातील निराधार, गरजू, विधवा आणि एकल महिलांच्या घरी जाऊन त्यांचे सर्वेक्षण करण्यात येत आहे. या वेळी त्यांच्याशी संवाद साधून त्यांच्या समस्या जाणून घेण्याचा प्रयत्न संस्थेच्या वैदेही सावंत या करत आहेत.
देवरूख येथील चक्रभेदी सोशल फाउंडेशन ही संस्था विधवा आणि एकल महिलांच्या प्रश्नांसंबंधी कार्यरत आहे. या महिलांना समाजात सन्मानाची वागणूक मिळावी यासाठी संस्थेतर्फे विधवा आणि एकल महिलांचे हळदीकुंकू आयोजित करण्यात आले होते. तसेच शिव्यामुक्त गाव हे अभियानही काही गावांमध्ये संस्थेतर्फे राबवण्यात आले होते. सध्या संस्थेतर्फे परिसरातील गरजू आणि निराधार महिलांचे प्रश्न समजून घेण्यावर भर देण्यात येत आहे. सावंत या सध्या परिसरातील अशा महिलांच्या घरी जाऊन त्यांच्याशी संवाद साधून त्यांच्या समस्या जाणून घेत आहेत. शासनातर्फे महिलांना देण्यात येत असलेली पेन्शन ही अत्यंत तुटपुंजी असल्याचे मत सावंत यांनी व्यक्त केले.
---