-सुखदुःखाशी एकरूप होणारा लोकनायक शरदचंद्र पवार

- rat१६p१९.jpg-
२५O११०३३
राजापूर ः आबासाहेब मराठे महाविद्यालयामध्ये बोलताना प्रा. डॉ. संजय मेस्त्री.

सुखदुःखाशी एकरूप होणारा
लोकनायक शरदचंद्र पवार
प्रा. संजय मेस्त्री ः मराठे महाविद्यालयात कार्यक्रम
सकाळ वृत्तसेवा
राजापूर, ता. १६ ः सर्वसामान्यांना आपलं मानून राजकारणाच्या पलीकडे जाऊन त्यांच्या सुखदुःखाशी एकरूप होणारा लोकनायक म्हणजे शरदचंद्र पवार होय. महाराष्ट्राचा आर्थिक, राजकीय, सामाजिक आणि सांस्कृतिक इतिहास माजी केंद्रीय मंत्री शरद पवार यांना वजा करून लिहिता येणार नाही, असे प्रतिपादन आबासाहेब मराठे महाविद्यालयाचे मराठी विभागप्रमुख प्रा.डॉ. संजय मेस्त्री यांनी केले.
रयत शिक्षणसंस्थेच्या तालुक्यातील आबासाहेब मराठे महाविद्यालयात माजी केंद्रीय मंत्री शरदचंद्र पवार यांच्या ८५व्या वाढदिवसानिमित्त आयोजित कार्यक्रमात ते बोलत होते. या वेळी प्राचार्य डॉ. राजाराम राठोड, डॉ. हेमंत अकोलकर, डॉ. अतुल भावे, डॉ. राजेंद्र बावळे, प्रा. अभिजित शेवडे आदी उपस्थित होते. या वेळी प्रा. मेस्त्री म्हणाले, ज्या ज्या वेळी महाराष्ट्राला कठीण परिस्थितीला तोंड द्यावे लागले त्या प्रत्येक वेळी पवार यांनी वडिलांच्या दातृत्वाने आणि आईच्या ममतेने महाराष्ट्राला सावरण्याचे काम केले. महाराष्ट्राचेच नव्हे तर संपूर्ण देशाचे राजकारण सकारात्मकतेने परिवर्तन करण्याची क्षमता असणारा एकमेव लोकनेता म्हणून पवार यांच्याकडे पाहिले जाते. डॉ. राजेंद्र बावळे यांनी प्रास्ताविक तर राज्यशास्त्र विभागातील सहाय्यक प्राध्यापक ऋषिकेश आचार्य यांनी आभार मानले. प्रा. अभिजित शेवडे यांनी सूत्रसंचालन केले.