Raigad News: रायगडसाठी १२ जणांचा उमेदवारी अर्ज; जाणून घ्या कोणं आहेत उमेदवार
Alibag News: महायुतीचे उमेदवार सुनील तटकरें यांनी गुरुवारू (ता. १८) शक्तीप्रदर्शन करत उमेदवारी अर्ज भरला. याचवेळी रायगड लोकसभेच्या जागेसाठी अन्य पाच जणांनी उमेदवारी अर्ज भरले आहेत. आजच्या अर्जांसह आतापर्यंत १२ उमेदवार निवडणुकीच्या रिंगणात उतरले असल्याने निवडणुकीची चुरस वाढली आहे. शुक्रवारी (ता. १९) अर्ज भरण्याचा शेवटचा दिवस आहे.
तटकरेंच्या उमेदवारीकडे सर्वांचे लक्ष लागून राहिले होते. महायुतीचे घटक पक्ष असलेल्या सर्व पक्षांचे नेते या निमित्ताने आयोजित केलेल्या सभेस उपस्थित होते. अलिबागमधील डीकेटी हायस्कूलसमोर आयोजित केलेल्या सभेसाठी सहा हजार लोक उपस्थित होते.
या वेळी पालकमंत्री उदय सामंत, मंत्री रवींद्र चव्हाण, हसन मुश्रीफ यांच्यासह डॉ. विनय नातू, आमदार योगेश कदम, सूर्यकांत महाडीक, रायगडमधील महायुतीचे आदिती तटकरे, महेंद्र दळवी, भरत गोगावले, महेंद्र थोरवे, प्रशांत ठाकूर, महेश बालदी, रवी पाटील आदी नेते उपस्थित होते. सभेला संबोधित केल्यानंतर सुनील तटकरेंनी आपला उमेदवारी अर्ज जिल्हाधिकारी किशन जावळे यांच्याकडे सादर केला.
राष्ट्रवादीचे अधिकृत उमेदावर सुनील तटकरेंबरोबरच डमी अर्ज म्हणून अनिकेत तटकरे यांनीही उमेदवारी अर्ज दाखल केला आहे. याच बरोबर आज प्रकाश बाळकृष्ण चव्हाण (भारतीय जवान किसान पार्टी), पांडुरंग दामोदर चौले, (अपक्ष), गोपाळ यशवंतराव तंतरपाळे, (अपक्ष) यांनी उमेदवारी अर्ज अनामत रक्कमेसह निवडणूक आयोगाकडे सादर केले आहेत. शुक्रवार (ता. १९) ही अर्ज सादर करण्याची शेवटची तारीख असून शनिवारी (ता. २०) अर्जांची छाननी होणार आहे. २२ एप्रिल ही अर्ज मागे घेण्याची शेवटची मुदत आहे. त्यानंतर रायगड लोकसभेच्या लढतीची वस्तुस्थिती समोर येईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.