Raigad Crime: एकाच रात्री सहा घरफोड्या, रहिवाशांमध्ये भीतीचे वातावरण

Mumbai News: शहरात चोरट्यांनी धुमाकूळ घातला असून एकाच रात्री सहा ठिकाणी घरफोड्या केल्या आहेत. घराच्या दरवाजाचे कडी-कोयंडा तोडत रोख रक्कम, दागिने लंपास केले आहेत. त्यामुळे रहिवाशांमध्ये भीतीचे वातावरण आहे.

माणगाव पोलिस हद्दीतील दत्तनगर मैत्री पार्कमधील दत्तछाया बिल्डिंग २ मधील बंद घरातील रोख रक्कम व सोन्याचे दागिने असा ५७,७०० रुपयांचा मुद्देमाल चोरट्यांनी लंपास केला.

याच परिसरातील एक रहिवासी इमारतीमधील एका, तर शिर्के अपार्टमेंटमधील चार घरांमधून साधारण दोन लाखांचा मुद्देमाल चोरीला गेला आहे. या प्रकाराने परिसरातील नागरिकांमध्ये भीतीचे वातावरण असून चोरट्यांना जेरबंद करा, अशी मागणी होत आहे.