मुंबई-गोवा महामार्गाची दुर्दशा झाली आहे. खड्डेमय रस्त्यातून वाट काढणे चालकांना जिकरीचे झाले आहे.
रोहा : मुंबई-गोवा राष्ट्रीय महामार्गावर (Mumbai-Goa Highway) ठिकठिकाणी पडलेल्या खड्ड्यांमुळे मोठ्या प्रमाणावर वाहतूक कोंडी होत असून प्रवासी व वाहनचालक मेटाकुटीला आले आहेत.
पावसाळ्यात महामार्गावर पडणारे खड्डे ही दरवर्षीची समस्या झाली असून दैनंदिन प्रवास करणारे नागरिक, चालकांना अपघाताची (Road accident) भीती सतावते. खड्डे वाचवण्याच्या नादात वाहनांचा वेग मंदावत असल्याने वाहतूक कोंडी होत असल्याचेही दिसून येत आहे.
यामुळे वेळ व पैसा नाहक खर्च होत आहे. एक तासाच्या प्रवासासाठी अडीच ते तीन तास वेळ लागतो. त्यामुळे विशेषतः लहान मुले, महिला, ज्येष्ठ नागरिकांची गैरसोय होते. खड्डेमय मार्गातून जाताना हेलकावे खात जावे लागत असल्याने आरोग्याच्या व्याधी बळावल्या असून वाहनेही निदुरुस्त होत असल्याचे चालकांकडून सांगण्यात येत आहे.
मुंबई-गोवा महामार्गाची दुर्दशा झाली आहे. खड्डेमय रस्त्यातून वाट काढणे चालकांना जिकरीचे झाले आहे. प्रशासनाने गणेशोत्सवापूर्वी महामार्ग खड्डेमुक्त करावा.
-नंदकुमार मरवडे, प्रवासी, खांब-कोलाड
एक तपाहून अधिक काळ नादुरुस्त रस्ताचा त्रास कोकणवासी भोगत आहेत. गणेशोत्सवात लाखोंच्या संख्येने भाविक गावात दाखल होतात. खड्ड्यातून मार्ग काढताना अनेक वाहने नादुरुस्त होतात. शिवाय पाठदुखी, मानदुखी, कंबरदुखी सारखे आजार बळावतात. गणेशोत्सव पूर्वी प्रशासनाला खड्डे बुजविण्याची बाप्पा सद्बुद्धी देवो
- शाम लोखंडे, वाहनचालक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
