कोकणात या दोन वाड्यांचा संपर्क तुटला कोठे वाचा....

खेड(रत्नागिरी ) :  गेल्या चार दिवसापासून कोसळत असलेल्या मुसळधार पावसामुळे रविवारी सायंकाळच्या सुमारास नातूनगर येथील घागवाडी व खोंडेवाडी येथे दरड कोसळल्याने दोन्ही वाड्यांचा संपर्क तुटला आहे. सुदैवाने कोणतीही प्राणहानी झाली नाही.

प्रशासनाकडून दरड हटविण्याचे काम रात्री उशिरापर्यंत सुरू होते. तुळशी - विन्हेरे मार्गावरचे मुख्यमंत्री ग्राम सडक योजने अंतर्गत रस्त्याचे काम सुरू आहे. या ठिकाणी डोंगर पोखरून मातीचे बेसुमार उत्खनन करण्यात आले आहे. यामुळेच दरडी कोसळण्याचा धोका कायम असून ग्रामस्थ भीतीच्या छायेखाली आहेत.

हेही वाचा- कोकणात पावसाचा जोर वाढला : हा बंधारा गेला वाहून ; ग्रामस्थांच्या उरात भरली धडकी... -

रविवारी कोसळलेल्या दरडींमुळे दोन्ही वाड्याच्या संपर्क तुटल्यामुळे ग्रामस्थांची गैरसोय झाली होती.  दरडी मुळे नजीकच्या वाड्याना कोणताही धोका निर्माण होऊ नये यासाठी सावध राहण्याच्या सूचना प्रशासनाकडून स्थानिक ग्रामस्थांना करण्यात आल्या आहेत.