समुद्रात मासेमारीला जात असताना नौका गाळात रुतली । Kokan | Sakal
sakal

बोलून बातमी शोधा

समुद्रात मासेमारीला जात असताना नौका गाळात रुतली

समुद्रात मासेमारीला जात असताना नौका गाळात रुतली

आचरा: येथील बंदरातून समुद्रात मासेमारीला जात असताना नौका गाळात रुतली. नौका एका बाजूला कलंडल्याने आत पाणी शिरले. नौका दुर्घटनाग्रस्त झाल्याचे समजताच स्थानिक मच्छिमारांनी धाव घेत मदतकार्य सुरु केले. तीन तासाच्या अथक प्रयत्नानंतर नौकेसह 5 ही खलाशांना सुखरुप बाहेर काढण्यात आले. ही घटना आज सकाळी 6.30 सुमारास आचरा समुद्रात नस्ताजवळ घडली.

हेही वाचा: सैन्‍यदलाच्या अधिकारीपदासाठी ऑनलाइन अर्ज प्रक्रिया सुरू  

याबाबत अधिक माहिती अशी की, आज सकाळी साडेसहा वाजण्याच्या सुमारास आचरा बंदरातून विघ्नहर्ता मासेमारी नौका 5 खलाशीसह येथील बंदरातून मासेमारीसाठी समुद्रात जात होती. खाडीतून समुद्रात जाताना ती नौका आचरा बंदर नस्तावर आली असता सुकती असल्याने तेथे साठलेल्या गाळात रुतली व इंजिन बंद पडले. त्यामुळे ती एका बाजूला कलंडली व नौकेत पाणी शिरु लागले.

हेही वाचा: पुणे : शेतकरी कुटुंबातल्या मुलाचं आयएएस होण्याचे स्वप्न साकार

दुर्घटनाग्रस्त झाल्याची माहिती मिळताच आचरा बंदरावरील मच्छीमार चावल मुजावर, मुजावर, असिफ मुजावर, वसीम मुजावर, रियान मुजावर, सतीश आचरेकर, व अन्य मच्छिमारांनी धाव घेत होड्यांच्या साह्याने अपघातग्रस्त नौका गाठली. आतील खलाशांना नौकेतून बाहेर काढत नौकेला व दोरखंड बांधून अडवण्यात आले. त्यानंतर नौकेत भरलेले पाणी काढून दुसऱ्या नौकेच्या सहाय्याने दोरखंड बांधून अडकलेली नौका बाहेर काढण्याचे प्रयत्न चालू होते. तीन तासाच्या अथक प्रयत्नानंतर दुर्घटनाग्रस्त नौका बाहेर आणण्यात मच्छीमारांना यश आले. नौकेच्या इंजीनात पाणी गेल्याने इंजिनाचे मात्र मोठे नुकसान झाले