T20 world Cup Final नंतर आता राष्ट्रकुल क्रीडा स्पर्धेचे यजमानपद अहमदाबादला! आज झाला मोठा निर्णय

टी२० वर्ल्ड कप २०२६ च्या अंतिम सामन्यानंतर अहमदाबादला २०३० राष्ट्रकुल क्रीडा स्पर्धेचे यजमानपद मिळाले आहे. ग्लासगोतील सभेत ७४ सदस्य देशांनी भारताच्या बोलीला मंजुरी दिली. सरदार वल्लभभाई स्पोर्ट्स एन्क्लेव्ह व नरेंद्र मोदी स्टेडियम हे मुख्य स्थळे असतील..टी२० वर्ल्ड कप २०२६ स्पर्धेच्या अंतिम सामन्यानंतर आता भारतात होणाऱ्या राष्ट्रकुल क्रीडा स्पर्धेचे यजमानपदही अहमदाबादला मिळाले आहे. आंतरराष्ट्रीय क्रिकेट परिषदेने मंगळवारी (२५ नोव्हेंबर) पुढच्यावर्षी ७ फेब्रुवारी ते ८ मार्चदरम्यान होणाऱ्या टी२० वर्ल्ड कप २०२६ स्पर्धेचे वेळापत्रक जाहीर केले. या वेळापत्रकाप्रमाणे ८ मार्च रोजी अहमदाबादमधील नरेंद्र मोदी स्टेडियमवर अंतिम सामना होईल. ही घोषणा झाल्यानंतर आता लगेचच बुधवारी (२६ नोव्हेंबर) २०३० साली होणाऱ्या राष्ट्रकुल स्पर्धेचे यजमान म्हणून अहमदाबाद शहराची निवड झाली आहे. .2030 Commonwealth Games : २०३०च्या 'राष्ट्रकुल क्रीडा स्पर्धा'बाबत मोठी अपडेट!, यजमान शहर म्हणून अहमदाबादची शिफारस.बुधवारी ग्लासगो येथे झालेल्या राष्ट्रकुल क्रीडा सर्वसाधारण सभेत याबाबत निर्णय झाला. या सभेत ७४ राष्ट्रकुल सदस्य देश आणि प्रदेशांच्या प्रतिनिधींनी भारताच्या अहमदाबाद शहरासाठीच्या बोलीला मंजूरी दिली. त्यानंतर अहमदाबादची अधिकृत आयोजक म्हणून घोषणा करण्यात आली. अहमदाबादने नायजेरियातील अबुजा शहराला मागे टाकून हे यजमानपद मिळवले आहे..ग्लासगोमध्ये झालेल्या सभेत भारताचे प्रतिनिधित्व करण्यासाठी संयुक्त सचिव (क्रीडा) कुणाल के; भारतीय ऑलिंपिक असोसिएशन (आयओए) अध्यक्ष पीटी उषा, आयओएचे सीईओ रघुराम अय्यर, गुजरातचे क्रीडा मंत्री हर्ष संघवी आणि इतर अधिकारी उपस्थित होते. अहमदाबादला अधिकृतरित्या राष्ट्रकुल स्पर्धेसाठी आयोजक म्हणून घोषित केल्यानंतर २० गरबा डान्सर्स आणि ३० ढोल वादकांनी सभेतील अधिकऱ्यांसमोर परफॉर्मन्स करत आश्चर्याचा सर्वाना धक्का दिला.भारतीय ऑलिंपिक असोसिएशनच्या अध्यक्ष पीटी उषा म्हणाल्या, राष्ट्रकुल क्रीडाने दाखवलेल्या विश्वासाबद्दल आनंद वाटतो. २०३० मध्येही स्पर्धा केवळ शताब्दी साजरे करणार नाही, तर पुढच्या शतकाचा पायाही रचेल. राष्ट्रकुलमधील खेळाडू, समाज आणि संस्कृती मैत्री आणि प्रगतीच्या भावनेने एकत्र येतील.'.दरम्यान राष्ट्रकुल २०३० स्पर्धेत १५ ते १७ क्रीडा प्रकारातील स्पर्धा होतील, असंही बुधवारी जाहीर करण्यात आले आहे. सध्या ऍथलेटिक्स, स्विमिंग, टेबल टेनिस, बॉल्स, वेटलिफ्टिंग, जिमनॅस्टिक, नेटबॉल आणि बॉक्सिंग हे खेळ असण्यावर शिक्कामोर्तब झाले आहे. तसेच तिरंदाजी, बॅडमिंटन, 3x3 बास्केटबॉल, बिच व्हॉलिबॉल, क्रिकेट, सायकलिंग, डायव्हिंग, हॉकी, ज्युदो, रिदमिक जिमनॅस्टिक, रग्बी सेव्हन, नेमबाजी, स्क्वॅश, ट्रायथलॉन आणि कुस्ती या खेळांबाबत विचार सुरू आहे. याशिवाय भारताला आणखी दोन खेळ सुचवण्याचीही संधी असेल. खेळांबाबतची यादी पूर्ण करण्यासाठीची प्रक्रिया पुढच्या महिन्यात सुरू होईल..भारतात २०१० नंतर पहिल्यांदाच राष्ट्रकुल स्पर्धा होणार आहे. त्यामुळे देशभरात याबाबत उत्साह दिसून आला. याशिवाय २०३० मध्ये राष्ट्रकुल स्पर्धेला १०० वर्षे पूर्ण होत आहेत, त्यामुळे ही स्पर्धा खास असणार आहे. यापूर्वी सर्वात पहिल्यांदा १९३० मध्ये कॅनडातील हॅमिल्टनमध्ये पहिल्यांदा राष्ट्रकुल स्पर्धा झाली होती.राष्ट्रकुल क्रीडा कार्यकारी मंडळाने गेल्याच महिन्यात २०३० च्या राष्ट्रकुल क्रीडा स्पर्धेसाठी प्रस्तावित यजमान शहर म्हणून अहमदाबादची शिफारस केली होती. दरम्यान, या स्पर्धेपूर्वी अहमदाबादमध्ये अनेक मोठ्या स्पर्धांचे आयोजन होणार आहे, यात टी२० वर्ल्ड कप २०२६, आशियाई वेटलिफ्टिंग चॅम्पियनशीप, आशियाई पॅरा-तिरंदाजी कप अशा काही स्पर्धांचा समावेश आहे. तसेच आत्तापर्यंत राष्ट्रकुल वेटलिफ्टिंग चॅम्पियनशीप, आशियाई ऍक्वाटिक चॅम्पियनशीप, १७ वर्षांखालील आशिया कप २०२६ फुटबॉल पात्रता स्पर्धा देखील अहमदाबादमध्ये झाल्या आहेत..T20I World Cup 2026 साठी रोहित शर्माकडे मोठी जबाबदारी; ICC अध्यक्ष जय शाह यांच्याकडून घोषणा.राष्ट्रकुल स्पर्धा २०३० साठी अहमदाबादमधील सरदार वल्लभभाई स्पोर्ट्स एन्क्लेव्ह आणि नरेंद्र मोदी स्टेडियम हे मुख्य ठिकाणे असणार आहेत. महत्त्वाचे म्हणजे नरेंद्र मोदी स्टेडियम हे सरदार वल्लभभाई स्पोर्ट्स एन्क्लेव्हमध्येच आहे. सध्या सरदार वल्लभभाई स्पोर्ट्स एन्क्लेव्हचे बांधकाम पूर्ण व्हायचे बाकी आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.