Australian Open 2023 : अरेना सबलेंका ऑस्ट्रेलियन ऑपनची नवी राणी; जिंकले पहिले वहिले ग्रँडस्लॅम

Australian Open 2023 : ऑस्ट्रेलियन ओपन 2023 महिला एकेरीच्या अंतिम सामन्यात अरेना सबलेंकाने एलेना रबकिनाचा 4-6, 6-3, 6-4 असा पराभव करत आपले पहिले वहिले ग्रँड स्लॅम जिंकले. रशियाच्या विम्बल्डन विजेत्या रबकिनाने पहिला सेट जिंकत सामन्यावर पकड निर्माण केली होती. मात्र अरेनाने जोरदार पुनारागमन करत पुढचे दोन्ही सेट जिंकून आपले ग्रँडस्लॅम जिंकण्याचे स्वप्न साकार केले.

बेलारूसच्या अरेना सबलेंकाने ऑस्ट्रेलियन ओपन जिंकताच जागतिक रँकिंगमध्ये दुसऱ्या स्थानावर झेप घेतली. आपले पहिले ग्रँड स्लॅम जिंकल्यानंतर अरेना म्हणाली की, 'मी अजून थरथरत आहे. मी खूप नर्व्हस आहे. माझी टीम, माझी वेडी टीम असं मी म्हणतो. आम्ही गेल्या वर्षभरापासून खूप चढ उतारातून गेलो आहोत. आम्ही खूप कष्ट केले आहेत. त्यामुळे या ट्रॉफीचे खरे मानकरी तुम्ही आहात. माझ्यापेक्षा तुम्ही खूप महत्वाचे आहात.'

अरेना सबलेंका ऑस्ट्रेलियन ओपन स्पर्धेत जबरदस्त फॉर्ममध्ये आहे. तिने आतापर्यंतच्या स्पर्धेत एकही सेट गमावलेला नाही. तिने एडिलेड इंटरनॅशनल स्पर्धा जिंकून 2023 चा हंगामाची सुरूवात केली. तिने आतापर्यंत 11 सामने सरळ सेटमध्ये जिंकले होते.

सबलेंकाने सेमी फायनलमध्ये मागदा लिरेट्टेचा 7-6, 6-2 असा पारभव करत अंतिम फेरी गाठली होती. त्यापूर्वी तिने टेरेझा आणि शेल्बे यांचा पहिल्या दोन फेरींमध्ये सरळ सेटध्ये पराभव केला होता. ऑस्ट्रेलियन ओपन स्पर्धेचा अंतिम सामना मात्र तिला सरळ सेटमध्ये जिंकता आला नाही. तिने रबकिनाचा 4-6, 6-3, 6-4 असा पराभव केला.

(Sports Latest News)