Asia Cup 2025 Final Ind vs Pak : आशिया कप जिंकण्यासाठी भारतीय संघ सज्ज; पाकिस्तानला निर्णायक ठोसा देण्याची वेळ...

Asia Cup final 2025 India and Pakistan clash : गेल्या दोन रविवारी पाकिस्तान संघाला पाणी पाजल्यानंतर आता आज रविवारी अंतिम सामन्यातही तिसरा आणि निर्णायक ठोसा देण्यासाठी सूर्यकुमार आणि त्याचा संघ सज्ज झालाय; मात्र आशिया करंडक क्रिकेट स्पर्धेचे यंदाही विजेतेपद मिळवण्यासाठी भारतीय संघाला परिपूर्ण खेळ करावा लागणार आहे. आशिया कप २०२५ची कहाणीच वेगळी झाली आहे. भारतीय संघाने अजून १००% परिपूर्ण सर्वांगीण खेळ केला नाहीये तरीही साखळी फेरीतील तीन आणि सुपर फोर फेरीतील तीनही सामने जिंकून विजयी मालिका कायम ठेवली आहे.