Asia Cup BAN vs SL : आशिया कपमध्ये आज बांगलादेश आणि श्रीलंका याच्यात सामना होणार आहे. ग्रुप B मध्ये अफगाणिस्तानने या दोन्ही संघांचा पराभव करत आधीच सुपर 4 फेरी गाठली आहे. त्यामुळे या ग्रुपमधून दुसरा कोणता संघ सुपर 4 साठी पात्र होण्यासाठी आजचा सामना महत्वाचा आहे. मात्र सामन्यापूर्वीच बांगलादेश आणि श्रीलंका एकमेकांनी भिडली. श्रीलंकेचा कर्णधार आणि बांगलादेशचे प्रशिक्षक यांच्यात शाब्दिक द्वंद्व रंगले.
सर्वात प्रथम पत्रकार परिषदेत श्रीलंकेचा कर्णधार दासुन शनाकाने (Dasun Shanaka) वक्तव्य केले की बांगलादेशकडे आंतरराष्ट्रीय स्तरावरील मुस्तफिजूर रहीम आणि शाकिब अल हसन हे फक्त 2 गोलंदाज आहेत. अफगाणिस्तानच्या तुलनेत बांगलादेशचे आव्हान तसे सोपे आहे. याला बांगलादेश संघाचे डायरेक्टर खालिद महमूद (Khaled Mahmud) यांनी पत्रकार परिषदेतच प्रत्युत्तर दिले.
महमूद प्रत्युत्तर देताना म्हणाले की, 'बांगलादेशकडे शाकीब आणि मुस्तफिजूर हे दोघं तरी आहेत मात्र श्रीलंकेकडे, कर्णधार शनाकाकडे एकही आंतरराष्ट्रीय स्तरावरील गोलंदाज नाहीये.' बांगलादेश आणि श्रीलंका या दोन्ही संघात झालेले हे वाकयुद्ध पाहता आजचा श्रीलंका - बांगलादेश सामना हा चुरशीने खेळला जाईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.