माजी क्रिकेटरच्या किडनॅपिंगमध्ये त्याच्या गर्लफ्रेंडचाच हात?

मारियाने माजी क्रिकेटर्ससोबत ब्रेकअप झाल्याचे म्हटले होते.
kidnap case
kidnap caseE Sakal

ऑस्ट्रेलियाचे माजी फिरकीपटू स्टुअर्ट मॅकगिल (Stuart MacGill) यांचे अपहरण झाल्याची घटना चांगलीच चर्चेत आली होती. याप्रकरणात पोलिसांनी चौघांना अटकही केली. त्यानंतर आता मॅकगिल यांच्या गर्लफ्रेंडच्या भावाने त्यांच्या अपहरणाचा कट रचल्याची माहिती समोर आली आहे. माजी फिरकीपटूची गर्लफ्रेंड मारिया ओ मेघर हिचा भाऊ मॅरिनो सोटिरोपोलस याच्यासह चौघांना पोलिसांनी अटक केलीये.

डेली टेलीग्राफला दिलेल्या मुलाखतीमध्ये मारियाने माजी क्रिकेटर्ससोबत ब्रेकअप झाल्याचे म्हटले होते. दोघांमधील प्रेमाचे नाते संपले असले तरी मैत्री कायम आहे, असे तिने सांगितले होते. स्वत:ला सुरक्षित वाटत नसल्याचेही तिने या मुलाखतीमध्ये म्हटले होते. त्यामुळे दोघांमध्ये काहीतरी घडले असल्यामुळेच तिच्या भावाने स्टुअर्ट मॅकगिललचे अपहरण करुन त्याला मारहाण केल्याची शक्यता वर्तवण्यात येत आहे. यामागे मारियाचा हात आहे का? असा प्रश्नही उपस्थिती केला जातोय.

kidnap case
IPL च्या उर्वरित सामन्यासाठी BCCI ला परदेशातून आली ऑफर

माजी क्रिकेटपटूच्या अपहरण प्रकरणात भावाला अटक झाल्यानंतर मारियाने भावासोबत अधिक सलगी नसल्याचे म्हटले आहे. आम्ही भाऊ-बहिण असलो तरी आमच्या नात्यात गोडवा नाही. आम्ही वेगवेगळे राहतो. मॅकगिल सुरक्षित असून त्याला आता या विषयावर अधिक काहीच बोलायचे नाही. सध्याच्या घडीला मी भयावह परिस्थितीत अडकले आहे. मॅकगिलच्या कुटुंबियांसोबत असल्याचेही त्याने म्हटले आहे.

kidnap case
माजी क्रिकेटरचे अपहरण करणारे चौघं जेरबंद

फॉक्स क्रिकेटच्या वृत्तानुसार, 14 एप्रिल रोजी बंदुकीचा धाक दाखवून मॅकगिल यांचे अपहरण करण्यात आले होते. 46 वर्षीय तरुणाने कारमधून त्यांचे अपहरण केले. एका निर्जन ठिकाणी नेऊन त्यांना मारहाण करण्यात आली. आरोपी हा मॅकगिलच्या गर्लफ्रेंडचा भाऊ असल्याचे आता समोर आले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com