Commonwealth Games 2022 : वेटलिफ्टिंगमध्ये भारताला दुसरं पदक जिंकून देणारा गुरूराजा पुजारी कोण आहे? | Sakal
sakal

बोलून बातमी शोधा

Gururaja Pujari

वेटलिफ्टिंगमध्ये भारताला दुसरं पदक जिंकून देणारा गुरूराजा पुजारी कोण?

Commonwealth Games 2022 : भारतीय वेटलिफ्टर गुरूराजा पुजारी याने राष्ट्रकुल स्पर्धेत 61 किलो वजनी गटात कांस्यपदक जिंकलं आहे. सांगलीच्या संकेत सरगर नंतर गुरूराजा हा वेटलिफ्टिंगमध्ये भारतासाठी दुसरं पदक जिंकणारा ठरला आहे. पुजारीने 269 किलो वजन उचलून पदक जिंकले असून पुजारीने स्नॅचमध्ये 118 किलो आणि क्लीन अँड जर्कमध्ये 151 किलो वजन उचलले.

गुरूराजा पुजारी हा कर्नाटकातील उडीपी जिल्ह्यातील एक वेटलिफ्टर असून त्याला पी. गुरूराजा या नावानेही ओळखले जाते. त्याने २०१८ मध्ये ऑस्ट्रेलियामध्ये झालेल्या राष्ट्रकुल स्पर्धेत पुरूषांच्या ५६ किलो वजनी गटात रौप्य पदक जिंकले होते. त्याचा जन्म १५ ऑगस्ट १९९२ रोजी उडीपी जिल्ह्यातील किंडापूरा या गावात झाला आहे. महाबाला पुजारी असं त्यांच्या वडिलांचं नाव असून ते ट्रक ड्रायव्हर आहेत. त्याला चार भावंड असून गुरूराजा हा त्याच्या कुटुंबात सर्वांत लहान आहे. त्याचे लहानपण खूप बिकट परिस्थितीत गेले पण त्यांने आपल्या खेळावरील प्रेम कमी केले नाही.

हेही वाचा: "राज्यपालांनी आपल्या पदाचीच नव्हे तर पूर्ण महाराष्ट्राची..." - युवराज संभाजीराजे

पी. गुरूराजाने कर्नाटकमधील उजीरे येथील एसडीएम महाविद्यालयातून पदवी घेतली आहे. तो सुरूवातीला सुशीलकुमार पासून प्रेरणा घेत आपल्या कुस्तीच्या करिअरला सुरूवात केली होती पण त्याचे प्रशिक्षक राजेंद्र प्रसाद यांनी त्याला सल्ला दिल्याने त्याने वेटलिफ्टिंग करायचं ठरवलं होतं.

पी. गुरूराजाची आत्तापर्यंतची कामगिरी

• वर्ष 2016 मध्ये, गुरुराजा पुजारीने दक्षिण आशियाई क्रीडा स्पर्धेत 56 किलो वजनी गटात सुवर्णपदक जिंकले.

• 2017 मध्ये झालेल्या गोल्ड कोस्ट कॉमनवेल्थ चॅम्पियनशिपमध्ये 56 किलो वजनी गटात कांस्यपदक जिंकले.

• गुरुराजाने 2018 च्या राष्ट्रकुल क्रीडा स्पर्धेत भारतासाठी रौप्य पदक जिंकले.

• गुरुराजा पुजारीने 2021 कॉमनवेल्थ चॅम्पियनशिपमध्ये 61 किलो वजनी गटात रौप्य पदक जिंकले.

Web Title: Commonwealth Games 2022 Who In Gururaja Poojari Which Win Bronze Medal

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :sportsmedals