CWG 2022 : भारताने दहाव्या दिवशी जिंकले पाच सुवर्ण, क्रिकेटमध्ये रौप्यपदक
Commonwealth Games 2022, Birmingham Day 10 Live Updates : कॉमनवेल्थ गेम्स 2022 चा 10 वा दिवस आहे. बर्मिंगहॅममध्ये बॉक्सिंगमध्ये 10 व्या दिवशी भारताने तीन सुवर्ण, एक रौप्य आणि तीन कांस्यपदके जिंकली. भारताच्या कामगिरीवर नजर टाकली तर 18 सुवर्ण, 15 रौप्य आणि 22 कांस्य अशी एकूण 55 पदके जिंकली आहेत.
भारताची पदकसंख्या : 55
18 सुवर्ण : मीराबाई चानू, जेरेमी लालरिगुंना, अंचिता शेऊली, महिला लॉन बॉल्स संघ, टेबल टेनिस पुरूष संघ, सुधीर (पॅरा वेटलिफ्टिंग), साक्षी मलिक, बजरंग पुनिया, दीपक पुनिया, रवी कुमार दहिया, विनेश फोगाट, नवीन, भाविना (पैरा टेबल टेनिस), नीतू घनघास, अमित पंघाल, एल्डहॉस पॉल, निखत जरीन, अचंथा आणि श्रीजा
15 रौप्य : संकेत सरगर, बिंदियाराणी देवी, सुशिला देवी, विकास ठाकूर, भारतीय बॅडमिंटन संघ, तुलिका मान, मुरली श्रीशंकर, अंजू मलिक, प्रियांका गोस्वामी, अविनाश साबळे, पुरूष लॉन बॉल्स संघ, अब्दुल्ला अबोबैकर, शरथ आणि साथियां, सागर अहलावत , भारतीय महिला क्रिकेट संघ.
22 कांस्य : गुरुराजा पुजारी, विजय कुमार यादव, हरजिंदर कौर, लवप्रीत सिंग, लवप्रीत सिंह, गुरदीप सिंग, तेजस्वीन शंकर, दिव्या काकरन, मोहित ग्रेवाल, जस्मिन, पूजा गेहलोत, पूजा सिहाग, मोहम्मद हुसामुद्दीन, दीपक नेहरा, रोहित टोकस, महिला हॉकी संघ, सौरव घोषाल, संदीप कुमार, अन्नू रानी, सौरव घोषाल-दीपिका, किदाम्बी श्रीकांत, त्रिशा-गायत्री.
सागर अहलावतने रौप्यपदक जिंकले
बॉक्सिंगमध्ये भारताच्या सागर अहलावतला सुपर हेवीवेट गटात म्हणजेच 92 किलो वजनी गटात रौप्यपदकावर समाधान मानावे लागले. अंतिम फेरीत त्यांचा इंग्लंडच्या डेलिशियस ओरीने 5-0 ने पराभव केला. बर्मिंगहॅममध्ये बॉक्सिंगमध्ये भारताने तीन सुवर्ण, एक रौप्य आणि तीन कांस्यपदके जिंकली. भारताच्या एकूण पदकांची संख्या 55 वर गेली आहे.
CWG 2022: अचंथा आणि श्रीजाच्या जोडीने इतिहास रचला, मिश्र दुहेरीत जिंकले सुवर्णपदक
भारतीय मिश्र दुहेरी संघाने टेबल टेनिसमध्ये सुवर्णपदक पटकावले. टेबल टेनिसमध्ये भारताने आणखी एक सुवर्ण जिंकले आहे. मिश्र दुहेरीत भारताच्या अचंथा शरथ कमल आणि श्रीजा अकुला यांनी....! सविस्तर बातमी वाचण्यासाठी येथे क्लिक करा
CWG 2022 T20I : क्रिकेटमध्ये भारताला प्रथमच मिळाले पदक
राष्ट्रकुल स्पर्धेत भारताला प्रथमच क्रिकेटमध्ये पदक मिळाले. मात्र सुवर्णपदक मिळाले असते तर अधिक आनंद झाला असता. त्याआधी 1998 मध्ये क्रिकेट हा कॉमनवेल्थ गेम्सचा भाग होता. त्यानंतर भारतीय पुरुष संघाला एकही पदक जिंकता आले नाही. एकदिवसीय विश्वचषक आणि टी-20 विश्वचषकापाठोपाठ कॉमनवेल्थ गेम्समध्येही ऑस्ट्रेलियाने सुवर्णपदक जिंकले. सविस्तर बातमी वाचण्यासाठी येथे क्लिक करा
CWG 2022 : श्रीकांतने कांस्यपदक जिंकले
किदाम्बी श्रीकांतने कांस्यपदक पटकावले आहे. कांस्यपदकाच्या लढतीत त्याने सिंगापूरच्या जिया हेंग तेहचा 21-15, 21-18 असा सलग गेममध्ये पराभव केला. श्रीकांतला उपांत्य फेरीत मलेशियाच्या अंगातजे योंगने पराभूत केले. अशाप्रकारे श्रीकांत सुवर्णपदकाच्या शर्यतीतून बाहेर पडला.
CWG 2022 : सौरव-दीपिकाने जिंकले कांस्यपदक
स्क्वॉशच्या मिश्र दुहेरीत दीपिका पल्लीकल आणि सौरव घोसाल यांनी कांस्यपदक जिंकले. भारतीय जोडीने ऑस्ट्रेलियाच्या लोबान डोना आणि पिली कॅमेरून यांचा 2-0 असा पराभव केला.
CWG 2022 : शरथने टेबल टेनिसमध्ये अंतिम फेरी
टेबल टेनिसमधील पुरुष एकेरीच्या उपांत्य लढतीत शरथ आंचलने इंग्लंडच्या पॉल डिनखॉलचा 11-8, 11-8, 8-11, 11-7, 9-11, 11-8 असा पराभव केला. हा सामना जिंकून शरथने अंतिम फेरीत धडक मारली असून किमान रौप्य पदक निश्चित केले आहे.
CWG 2022 : टेबल टेनिसमध्ये शरथची उपांत्य फेरीचा सामना सुरू
टेबल टेनिसमधील पुरुष एकेरीच्या उपांत्य फेरीच्या सामन्यात शरथ आंचलचा सामना इंग्लंडच्या पॉल डिंखलशी होणार आहे. हा सामना जिंकल्यानंतर शरथ किमान रौप्य पदक निश्चित करेल.
CWG 2022 : महिला क्रिकेटच्या अंतिम सामन्यात ऑस्ट्रेलियाने नाणेफेक जिंकून फलंदाजीचा घेतला निर्णय
महिला क्रिकेटच्या अंतिम सामन्यात ऑस्ट्रेलियाने भारताविरुद्ध नाणेफेक जिंकून प्रथम फलंदाजी करण्याचा निर्णय घेतला. राष्ट्रकुल क्रीडा स्पर्धेत महिला क्रिकेटचा प्रथमच समावेश करण्यात आला असून हा सामना जिंकणारा संघ महिला क्रिकेटमध्ये पहिले सुवर्णपदक जिंकणार आहे. त्याच वेळी, पराभूत संघ रौप्य पदकासह आपला प्रवास संपवेल. न्यूझीलंड संघाने यापूर्वीच कांस्यपदक जिंकले आहे. सविस्तर बातमी वाचण्यासाठी येथे क्लिक करा
CWG 2022 : टेबल टेनिसमध्ये सामना हरला तरी पटकावले रौप्यपदक
टेबल टेनिसमध्ये भारताला आणखी एक पदक मिळाले आहे. अचंता शरथ कमल आणि जी साथियान यांनी रविवारी राष्ट्रकुल क्रीडा स्पर्धेत पुरुष दुहेरीत रौप्यपदक पटकावले. सविस्तर बातमी वाचण्यासाठी येथे क्लिक करा
CWG 2022 : निखत जरीनने मारला गोल्डन पंच; भारताच्या पदरात सतरावे सुवर्णपदक
बॉक्सिंगमध्ये भारताला आणखी एक यश मिळाले आहे. देशाची महिला बॉक्सर आणि विश्वविजेती निखत जरीनने रविवारी राष्ट्रकुल क्रीडा स्पर्धेत सुवर्णपदक पटकावले आहे. निखतने 51 किलो वजनी गटाच्या अंतिम फेरीत उत्तर आयर्लंडच्या कॅरी मॅकनॉलचा....! सविस्तर बातमी वाचण्यासाठी येथे क्लिक करा
CWG 2022 Live: बॉक्सिंगमध्ये निखतची लढत सुरू
बॉक्सिंगमध्ये निखत जरीनची लढत सुरू झाली आहे. महिलांच्या 48-50 किलो गटात तिचा सामना उत्तर आयर्लंडच्या कार्लीशी आहे.
CWG 2022 : बॅडमिंटनमध्ये साईराज आणि चिराग शेट्टीची जोडी जिंकली
बॅडमिंटनच्या पुरुष दुहेरीच्या सामन्यात भारताच्या सात्विक साईराज आणि चिराग शेट्टी या जोडीने दणदणीत विजय नोंदवला. उपांत्य फेरीच्या सामन्यात भारतीय जोडीने चॅन पेंग सून आणि टॅन कियान मेंग या मलेशियाच्या जोडीचा 21-6, 21-15 असा पराभव केला. यासह भारतीय जोडीने अंतिम फेरीत प्रवेश केला असून किमान रौप्य पदक निश्चित झाले आहे.
CWG 2022 : बॅडमिंटनमध्ये भारतीय संघ हरला
बॅडमिंटनमध्ये महिला दुहेरीच्या उपांत्य फेरीच्या सामन्यात भारताच्या त्रिशा आणि गायत्री जोडीला पराभवाचा सामना करावा लागला आहे. मलेशियाच्या तानिया आणि टॅन या जोडीने भारतीय जोडीचा 31-13, 21-16 अशा फरकाने पराभव केला. आता भारतीय जोडी कांस्यपदकासाठी सामना खेळणार आहे.
CWG 2022: न्यूझीलंड महिला क्रिकेट संघाने कांस्यपदक जिंकले
बर्मिंगहॅम येथे रविवारी खेळल्या गेलेल्या कांस्यपदकाच्या लढतीत यजमान इंग्लिश संघाला दारूण पराभवाला सामोरे जावे लागले. त्याच वेळी न्यूझीलंड महिला क्रिकेट संघाने पहिल्यांदाच कांस्यपदकावर कब्जा केला. त्याचबरोबर सुवर्ण आणि रौप्य पदकांसाठीची लढत आता भारत आणि ऑस्ट्रेलियामध्ये होणार आहे.
CWG 2022 : महिलांचा 400 मीटर रिले शर्यत संघाने पदक गमावले
महिलांच्या 400 मीटर रिले शर्यतीत दुती चंद, हिमा दास, सरबानी नंदा आणि ज्योती यांच्या भारताच्या संघाने पदक गमावले. भारतीय जोडीने आपली शर्यत 43.81 सेकंदात पूर्ण केली. नायजेरियाने सुवर्ण आणि इंग्लंडने रौप्यपदक, जमैकाने कांस्यपदक जिंकले.
CWG 2022 : श्रीजा अकुला टेबल टेनिसमध्ये हरली
टेबल टेनिसमध्ये महिला एकेरीच्या सामन्यात श्रीजा अकुलाला पराभवाचा सामना करावा लागला आहे. या पराभवामुळे त्याने कांस्यपदक जिंकण्याची संधी गमावली. अकुलाचा ऑस्ट्रेलियाच्या यांगझी लिऊने 4-3 असा पराभव केला.
CWG 2022 : अन्नू राणीने भालाफेकीत पटकावले कांस्यपदक
अन्नू राणीने महिलांच्या भालाफेक स्पर्धेत कांस्यपदक पटकावले आहे. त्याचा सर्वोत्तम प्रयत्न ६० मीटर होता. त्याचवेळी ऑस्ट्रेलियाच्या केल्सीने....! सविस्तर बातमी वाचण्यासाठी येथे क्लिक करा
CWG 2022 : अभिमानास्पद! 10,000 मीटर चालण्यात शर्यतीत संदीपने जिंकले कांस्यपदक
भारताच्या संदीपने पुरुषांच्या 10,000 मीटर चालण्याच्या शर्यतीत कांस्यपदक जिंकले आहे. त्याने ३८:४२.३३ मिनिटांत आपली शर्यत पूर्ण केली. कॅनडाच्या इव्हान्सने....! सविस्तर बातमी वाचण्यासाठी येथे क्लिक करा
CWG 2022 : लक्ष्य सेनही बॅडमिंटनमध्ये अंतिम फेरीत
बॅडमिंटन पुरुष एकेरीच्या उपांत्य फेरीच्या सामन्यात लक्ष्य सेनने सिंगापूरच्या जिया हेंग तेहचा 21-10, 18-21, 21-16 असा पराभव केला. यासह त्याने अंतिम फेरीत धडक मारली असून राष्ट्रकुल क्रीडा स्पर्धेत त्याचे पहिले पदक निश्चित झाले आहे. शेवटच्या पाच गुणांसह त्याने तिसरा गेम जिंकला.
CWG 2022 : भारताने तिहेरी उडीत रचला इतिहास; 1 सुवर्ण तर 1 रौप्य जिंकले
भारतीय खेळाडूंनी तिहेरी उडीत इतिहास रचला आहे. भारताच्या एलडोस पॉल आणि अब्दुल्ला अबूबाकेर यांनी 2 पदके जिंकली आहे. एलडोस पॉलने 17.03 मीटर अंतर पार करून सुवर्णपदक जिंकले. सविस्तर बातमी वाचण्यासाठी येथे क्लिक करा
CWG 2022 : PV सिंधू अंतिम फेरीत
पीव्ही सिंधूने महिला एकेरीच्या अंतिम फेरीत धडक मारली आहे. तिने उपांत्य फेरीच्या लढतीत सिंगापूरच्या जिया मिनचा 21-19, 21-17 असा पराभव केला.
CWG 2022 : बॉक्सिंगमध्ये अमितही जिंकला; खात्यात आणखी एक सुवर्णपदक
Amit Panghal won gold medal : बॉक्सिंगमध्ये अमित पंघलने पुरुषांच्या ४८-५१ किलो वजनी गटातही सुवर्णपदक पटकावले आहे. त्याने इंग्लंडच्या किरन मॅकडोनाल्डचा 5-0 असा पराभव करत बॉक्सिंगमध्ये आज देशाला दुसरे सुवर्णपदक मिळवून दिले. सविस्तर बातमी वाचण्यासाठी येथे क्लिक करा
बॉक्सिंगमध्ये नीतू जिंकली; भारताच्या पदरात चौदावे सुवर्णपदक
Boxer Nitu Ghanghas wins gold : बॉक्सिंगमध्ये नीतूने महिलांच्या 45-48 किलो वजनी गटात सुवर्णपदक पटकावले आहे. तिने अंतिम सामन्यात इंग्लंडच्या डेमी जेडचा 5-0 असा पराभव केला. राष्ट्रकुल 2022 मधील भारताचे हे 14 वे सुवर्णपदक आहे. सविस्तर बातमी वाचण्यासाठी येथे क्लिक करा
Indian women's hockey : महिला हॉकी संघाने कांस्यपदक जिंकले
Indian women's hockey : भारतीय महिला हॉकी संघाने न्यूझीलंडचा पराभव करत कांस्यपदक जिंकले. नियमित वेळेत दोन्ही संघांनी प्रत्येकी एक गोल केला. यानंतर भारताने पेनल्टी शूटआऊटमध्ये न्यूझीलंडचा पराभव करत कांस्यपदक जिंकले. सविस्तर बातमी वाचण्यासाठी येथे क्लिक करा
CWG 2022 Hockey : महिला हॉकी संघाचा सामना अनिर्णित, शूटआऊटवर नजर
भारत आणि न्यूझीलंड यांच्यातील उपांत्य फेरीचा सामना बरोबरीत सुटला आहे. पूर्णवेळपर्यंत दोन्ही संघांची स्कोअर 1-1 अशी होती. भारताकडून सलीमाने गोल केला. आता कांस्यपदकासाठी नेमबाजीचा निर्णय होणार आहे.
CWG 2022: PV सिंधूने पहिला गेम जिंकला
पीव्ही सिंधूने महिला एकेरीच्या उपांत्य फेरीतील पहिला गेम जिंकला आहे. तिने पहिल्या गेममध्ये सिंगापूरच्या जिया मिनचा 21-19 असा पराभव केला.
CWG 2022 Hockey : भारत 1-0 ने आघाडीवर
हाफ टाइमपर्यंत भारताने 1-0 अशी आघाडी घेतली होती. नवनीतचा शॉट गोलकीपरने रोखला, शर्मिलाने रिबाऊंड करण्याचा प्रयत्न केला पण अपयशी ठरले, शेवटी सलीमाने चांगल्या कोनातून चेंडू गोलच्या आत पाठवला.
CWG 2022 : PV सिंधूचा सामना लवकरच सुरू होणार
पीव्ही सिंधूचा सामना लवकरच सुरू होईल. उपांत्य फेरीत तिचा सामना सिंगापूरच्या जिया मिनशी होणार आहे. हा सामना जिंकल्यानंतर सिंधू किमान रौप्य पदक निश्चित करेल.
CWG 2022 : महिला हॉकी संघाचा सामना सुरू
कांस्यपदकासाठी भारतीय महिला हॉकी संघाची लढत सुरू झाली आहे. भारतीय संघाचा सामना न्यूझीलंडशी होत आहे.
CWG 2022: पॅरा टेबल टेनिसमध्ये भारताला सुवर्णपदक; भाविना पटेलची कमाल
कुस्तीत तीन सुवर्णपदकं मिळवल्यानंतर भारताची दिग्गज पॅरा टेबल टेनिसपटू भाविना पटेलने आणखी एक गोल्ड मेडल जिंकून दिलं आहे. तिने पॅरा टेबल टेनिसच्या महिला एकेरीत (वर्ग 3-5)हे पदक मिळवलं आहे. यासह पॅरा टेबल टेनिसमध्येच....! सविस्तर बातमी वाचण्यासाठी येथे क्लिक करा
CWG 2022 : महिला हॉकी संघाची ब्राँझपदकासाठी लढत
टोकियो ऑलिंपिकमध्ये ब्राँझपदक थोडक्यासाठी हुकल्यानंतर भारतीय महिला हॉकी संघाला राष्ट्रकुल क्रीडा स्पर्धांमध्येही नशिबाने साथ दिली नाही. सविस्तर बातमी वाचण्यासाठी येथे क्लिक करा
CWG 2022 : अमित, निखतची सुवर्णपदकाच्या दिशेने वाटचाल
भारतीय बॉक्सर्ससाठी राष्ट्रकुल क्रीडा स्पर्धांमधील शनिवारचा दिवस आनंददायी ठरला. पुरुषांच्या गटात अमित पांघल याने; तर महिलांच्या गटात नीतू घंघास व निखत झरीन यांनी अंतिम फेरी गाठली. यामुळे आता....! सविस्तर बातमी वाचण्यासाठी येथे क्लिक करा
CWG 2022 : कॉमनवेल्थ गेम्स 2022 नववा दिवस भारतासाठी कसा होता.
कॉमनवेल्थ गेम्स मध्ये नववा दिवशी भारतीय खेळाडूंची कामगिरी उत्कृष्ट राहिली. भारताने एकूण 40 पदके जिंकली. यामध्ये 13 सुवर्ण, 11 रौप्य आणि 16 कांस्य पदकांचा समावेश आहे. सविस्तर बातमी वाचण्यासाठी येथे क्लिक करा
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.