- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
मुंबई: टी२० वर्ल्ड कप मॅचच्या समालोचनाचा आनंद आता मराठीमध्ये घेता येणार आहे. हॉटस्टारने वर्ल्डकपचे समालोचन मराठीत करण्याचा निर्णय घेतला आहे. मनसे कामगार सेनेचे चिटणीस केतन नाईक यांनी यासाठी प्रयत्न केले होते. २४ ऑक्टोबर रोजी होणाऱ्या टी२० वर्ल्ड कप मॅचचे समालोचन मराठीत सुरू होणार आहे. मनसेने केलेल्या पाठपुराव्यामुळे यश आले आहे.
IPL 2021 स्पर्धा नुकतीच संपली आणि याचे समालोचन इतर भाषांसोबत मराठीत व्हावे यासाठी महाराष्ट्र नवनिर्माण सेनेचे नेते आणि कामगार सेनेचे चिटणीस केतन नाईक यांनी हॉटस्टारसोबत पत्रव्यवहार केला. यात त्यांनी IPL चे समालोचन मराठीत करावे याची मागणी लावून धरली होती. त्यानंतर हॉटस्टारने नुकत्याच झालेल्या सामान्यांचे समालोचन मराठीत केले.
त्यानंतर आता वर्ल्ड कपचे समालोचन मराठीत व्हावे, अशीही मागणी केतन नाईक यांनी केली होती. मात्र, हॉटस्टारने या वर्षी ही मागणी पूर्ण होऊ शकणार नसल्याची माहिती ट्विट करत दिली होती. तरीही मनसेने ती मागणी लावून धरली. अखेर, २४ ऑक्टोबरला हॉटस्टारवर सुरू होणारा टी २० वर्ल्ड कपचा पहिला सामना भारत-पाकिस्तान असून तेव्हापासूनच मराठीत कॉमेंट्री सुरू होणार आहे, याबाबत हॉटस्टार ने ट्विट करून माहिती दिली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
