सबस्क्राईब करा
T20 World Cup 2024 : भारताने पाकिस्तानचा तोंडचा घास पळवत टी 20 वर्ल्डकप 2024 मधील आपला सलग दुसरा विजय प्राप्त केला. पाकिस्तानने भारताला 119 धावात ऑल आऊट केलं होतं. मात्र भारतीय गोलंदाजांनी दमदार मारा करत पाकिस्तानला 20 षटकात 7 बाद 113 धावात रोखलं.
जसप्रीत बुमराहने दमदार गोलंदाजा करत 14 धावात 3 विकेट्स घेतल्या. त्याने बाबर आझम, मोहम्मद रिझवान आणि इफ्तिकार अहमदला बाद केले. भारताचा उपकर्णधार हार्दिक पांड्याने देखील दोन विकेट्स घेत विजयात मोलाचा वाटा उचलला.
दरम्यान, आयपीएलवेळी रोहित शर्मा आणि हार्दिक पांड्या यांच्यात दुरावा निर्माण झाला असल्याची चर्चा सुरू होती. मुंबई इंडियन्सने रोहितला कर्णधारपदावरून हटवून हार्दिकला कॅप्टन केलं होतं.
मात्र वर्ल्डकपमध्ये या दोन्ही खेळाडूंमध्ये एक वेगळंच बाँडिग पाहायला मिळालं. पाकिस्तानी फलंदाज बाद झाल्यानंतर कर्णधार रोहित शर्माने उपकर्णधार हार्दिक पांड्याला आनंदाने मिठी मारत उचलूनच घेतलं. हा फोटो सध्या सोशल मीडियावर चांगलाच व्हायरल होत आहे.
पाकिस्तानच्या टी 20 वर्ल्डकप भविष्याबाबत बोलायचं झालं तर युएसए आणि भारताकडून पराभव स्विकारावा लागल्यानंतर आता पाकिस्तानला कॅनडा आणि आयर्लंडविरूद्धचा सामना मोठ्या मार्जीनने जिंकावे लागणार आहे. याचबरोबर अमेरिका भारत आणि आयर्लंडकडून मोठ्या मार्जीनने पराभूत व्हावी अशी प्रार्थना करावी लागणार आहे.
या परिस्थितीत देखील दोन्ही संघ समान चार गुणांवर येतील अन् त्यांचा सुपर 8 मधील प्रवेश हा नेट रनरेटवर अवलंबून असेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.