Team India Arrival : पंतप्रधानांच्या भेटीवेळी टीम इंडियानं घातली खास 'चॅम्पियन्स' जर्सी

Team India Meet PM Narendra Modi : भारताची विश्वविजेती टीम आज बार्बाडोसमधून ट्रॉफी घेऊन दिल्लीत लँड झाली. त्यानंतर त्यांनी पंतप्रधान नरेंद्र मोदी यांची त्यांच्या निवासस्थानी भेट घेतली.
Rohit Sharma
Team India Arrival News Jersey esakal

Team India Arrival New Jersey : भारताची टी 20 वर्ल्डकप जिंकणारी टीम आज सकाळी सकाळी 6 वाजता दिल्लीच्या विमानतळावर लँड झाली. दिल्लीच्या विमानतळावर टीम इंडियाचे चाहत्यांनी जंगी स्वागत केले. यानंतर रोहित सेना पंतप्रधान नरेंद्र मोदींना भेटण्यासाठी त्यांच्या निवसास्थानी गेली. पंतप्रधानांना भेटताना टीम इंडियानं नवी अन् खास जर्सी घातली होती.

टीम इंडियाने मोदींना भेटताना जी जर्सी घातली होती. त्या जर्सीवर चॅम्पियन्स असे लिहिले होते. याचबरोबर या जर्सीवर बीसीसीआयच्या लोगोच्या वरती दोन स्टार देखील आहेत. हे दोन स्टार टीम इंडियाने जिंकलेले दोन टी 20 वर्ल्डकप दर्शवतात.

Rohit Sharma
Team India Arrival Live Updates : टीम इंडियाचा PM मोदींसोबतच्या 'त्या' भेटीचा व्हिडिओ आला समोर, रोहित-कोहली अन्...

भारताचा विकेटकिपर बॅट्समन संजू सॅमसनने या नव्या खास जर्सीचे फोटो आपल्या सोशल मीडिया अकाऊंटवरून शेअर केले. संजू हा भारताच्या वर्ल्डकप विजेत्या संघाचा एक भाग होता. मात्र त्याला यंदाच्या वर्ल्डकपमध्ये एकही सामना खेळण्याची संधी मिळाली नाही. टीम इंडियाने आयटीसी मौर्य हॉटेलमध्ये ही जर्सी घातली अन् त्यानंतर ते पंतप्रधान नरेंद्र मोदींना भेटण्यासाठी पंतप्रधानांच्या निवासस्थानी गेले.

पंत प्रधानांची भेट

पंतप्रधान नरेंद्र मोदींसोबतच्या भेटीवेळी भारतीय संघाचे सर्व खेळाडू, प्रशिक्षक स्टाफ अन् बीसीसीआयचे वरिष्ठ अधिकारीच उपस्थितीत होते. खेळाडूंचे कुटुंबीय हे हॉटेल रूममध्ये थांबले होते.

भारतीय संघासहित 70 जणांना घेऊन खास विमान दिल्ली आंतरराष्ट्रीय विमानतळावर दाखल झाले. यात खेळाडू, प्रशिक्षक, नातेवाईक आणि क्रीडा पत्रकारांचा देखील समावेश होता.

Rohit Sharma
Team India Fan : हातात तिरंगा, छातीवर विराट तर पाठीवर....; विमानतळावर 'हा' चाहता ठरला लक्षवेधी

दिल्ली विमानतळावर जंगी स्वागत

दिल्लीतील पावसाळी वातावरण होतं. मात्र तरी देखील दिल्ली विमानतळावर क्रिकेट चाहत्यांनी मोठी गर्दी केली होती. ते हातात तिरंगा घेऊन टीम इंडियाचे स्वागत करत होते. त्यांच्या हातात त्यांच्या आवडच्या क्रिकेटपटूंचे फोटो देखील होते.

दरम्यान, टीम इंडिया दिल्ली विमानतळावर सुरक्षा रक्षकांच्या घेऱ्यातच होती. चाहत्यांना आवर घालण्यासाठी मोठ्या प्रमाणावर सुरक्षा रक्षकांची फौज तैनात करण्यात आली होती. चाहत्यांनी विराट कोहली आणि रोहित शर्माच्या नावाचा जयघोष सुरू केला होता.

दोन बसमधून खेळाडू अन् त्यांच्या कुटुंबीयांना हॉटेल आयटीसी मौर्यमध्ये नेण्यात आलं. तिथे टीम इंडियाचं पारंपरिक भांगडा नृत्यानं अन् ढोल वाजवून स्वागत करण्यात आलं.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com