T20 WC : भारताच्या जावायाच्या जोरावर स्कॉटलंडसमोरही पाकिस्तानचा थाट |World Cup 2021 | Sakal
sakal

बोलून बातमी शोधा

Pakistan VS Scotland
T20 WC : भारताच्या जावायाच्या जोरावर स्कॉटलंडसमोर पाकिस्तानचा थाट

T20 WC : भारताच्या जावायाच्या जोरावर स्कॉटलंडसमोरही पाकिस्तानचा थाट

टीम इंडिया विरुद्धच्या सलामीच्या सामन्यातील ऐतिहासिक कामगिरीनंतर विजयी धडाका कायम ठेवत पाकिस्तान संघाने सुपर 12 मध्ये अव्वल होण्याचा मान मिळवला आहे. टीम इंडियानंतर न्यूझीलंड संघाला पराभूत करत पाकिस्तानने सेमी फायनल पक्की केली होती. सुपर 12 मधील दुसऱ्या गटातील आपल्या अखेरच्या लढतीत त्यांनी स्कॉटलंडला पराभूत केले. पाच सामन्यातील प्रत्येक सामना जिंकत त्यांनी ग्रुपमध्येच नव्हे तर पहिल्या गटातील संघापेक्षा वरचढ कामगिरी करुन दाखवत स्पर्धेतील विजेतेपदासाठीची आपली दावेदारी पक्की केलीय.

स्कॉटलंड विरुद्धच्या सामन्यात पहिल्यांदा बॅटिंग करताना कर्णधार बाबर आझम आणि मोहम्मद रिझवान या जोडीनं पाकिस्तान संघाच्या डावाची सुरुवात केली. धावफलकावर अवघ्या 35 धावा असताना हम्झा ताहिरनं मोहम्मद रिझवानला 15 धावांवर चालते केले. त्याची जागा घेण्यासाठी मैदानात उतरलेल्या फखर झमानलाही क्रिस ग्रिव्जने स्वस्तात माघारी धाडले. स्कॉटलंड संघाने पाकिस्तानची अवस्था 2 बाद 59 अशी केली होती.

हेही वाचा: भारताचं 'पॅक-अप', न्यूझीलंड सेमीफायनलमध्ये; अफगाणिस्तानही बाहेर

हाफिज 31 धावा करुन माघारी फिरल्यावर बाबर आझम आणि शोएब मलिक या जोडीनं सघाच्या डावाला आकार दिला. बाबर आझमने 47 चेंडूत 5 चौकार आणि 3 षटकाराच्या मदतीने 66 धावा केल्या. शोएब मलिकनं 18 चेंडूत 54 धावांची नाबाद खेळी साकारली. आपल्या खेळीत त्याने 1 चौकार आणि 6 षटकार खेचले. दुसऱ्या बाजूला असिफ अली 4 चेंडूत 5 धावा करुन नाबाद राहिला. शोएबच्या फटकेबाजीच्या जोरावर पाकिस्तानी संघाने निर्धारित 20 षटकात 189 धावा केल्या होत्या.

हेही वाचा: ‘भाईनच भावाची लावली ना’; सेमिफायनल प्रवेश हुकल्यावर ‘मिम्स’

या धावांचा पाठलाग करताना स्कॉटलंडच्या संघाने सावध सुरुवात केली. संघाच्या धावफलकावर 23 धावा असताना हसन अलीने स्कॉटलंडच्या कर्णधाराला माघारी धाडले. कायले कोएत्झरने 16 चेंडूत एका चौकाराच्या मदतीने 9 धावा केल्या. सलामीवीर जॉर्ज मुन्सीने मारलेला स्टेट ड्राइव्ह वासीम इमानच्या हाताला स्पर्श करुन स्टम्पवर आदळला आणि मॅथ्यू क्रॉसच्या इनिंगचा दि एन्ड झाला. मुन्सी 17 धावांची खेली करुन परतला. स्कॉटलंडकडून रिचे बेरिंग्टंन याने अर्धशतकी खेळी करत एकाकी झुंज दिली. डायलनला शदाब खानने खातेही उघडू दिले नाही. मायकल लीसच्या रुपात शाहीन आफ्रिदीला एकमेव यश मिळाले. स्कॉटलंडचा संघ निर्धारित 20 षटकात 6 गड्यांच्या मोबदल्या 117 धावांपर्यंत मजल मारु शकला.

Web Title: World Cup 2021 Pakistan Won By 72 Against Scotland Babar Azam And Shoaib Malik Faster Fifty

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :World Cup