दक्षिण आफ्रिका क्रिकेट संघाने शनिवारी (१४ जून) इतिहास रचला. त्यांनी वर्ल्ड टेस्ट चॅम्पियनशीप २०२३-२५ स्पर्धेचे विजेतेपद पटकावून २७ वर्षांचा आयसीसी विजेतेपदाचा दुष्काळ संपवला. लॉर्ड्सवर झालेल्या अंतिम सामन्यात दक्षिण आफ्रिकेने गतविजेत्या ऑस्ट्रेलियन संघाला ५ विकेट्सने मात दिली आणि ते कसोटी वर्ल्ड चॅम्पियन झाले.
दक्षिण आफ्रिकेला विजय मिळवून देण्यात अनेक खेळाडूंचे महत्त्वाचे योगदान राहिले, त्यातही एडेन मार्करमने केलेल्या खेळीचे कौतुक जगभर झाले. त्यालाचा सामनावीर पुरस्कारही मिळाला.
