IND vs AUS: निवृत्तीच्या वनडेत एलिसा हेलीचा वर्ल्ड रेकॉर्ड, स्मृती मानधनाचा विक्रमही मोडला; ऑस्ट्रेलियाचा भारताला व्हाईटवॉश

भारतीय महिला क्रिकेट संघाने ऑस्ट्रेलियाविरुद्ध टी२० मालिका जिंकली. पण वनडे मालिकेत ऑस्ट्रेलिया संघाने वर्चस्व गाजवले. पहिले दोन सामने ऑस्ट्रेलियाने जिंकल्यानंतर रविवारी (१ मार्च) होबार्टला झालेल्या तिसऱ्या सामन्यात ऑस्ट्रेलियाने १८५ धावांनी दणदणीत विजय मिळवला.

त्यामुळे ऑस्ट्रेलियाने भारतीय संघाला ३-० अशा फरकाने पराभूत करत व्हाईटवॉश (Whitewash) दिला. ही मालिका ऑस्ट्रेलियाची कर्णधार एलिसा हेलीची (Alyssa Healy) अखेरची वनडे मालिका होती. तिने या तिसऱ्या वनडेत शानदार कामगिरी करत सर्वोत्तम खेळाडूचा पुरस्कारही जिंकला.