Ravichandran Ashwin : अश्विनची कसोटीतून तातडीने माघार

राजकोट : कसोटी क्रिकेटमध्ये ५०० विकेट मिळवण्याचा पराक्रम करणारा आर. अश्विन इंग्लंडविरुद्धच्या या कसोटी सामन्यातील पुढच्या खेळात सहभागी होणार नाही. कुटुंबामध्ये अचानकपणे वैद्यकीय आपत्कालीन स्थिती निर्माण झाल्यामुळे अश्विन तातडीने चेन्नईस रवाना झाला.

बीसीसीआयने त्याच्या वैयक्तिक भावनांचा आदर करत त्याला घरी परतण्यास परवानगी दिली आणि इतर कोणतीही मदत करण्याचे आश्वासन दिले. अश्विनच्या माघारीमुळे भारतीय संघ आता उर्वरित खेळात १० खेळाडूंसह खेळेल.

पुढच्या दोन कसोटीतही अश्विन परतण्याची शक्यता कमी आहे. आज खेळ संपल्यावर पत्रकार परिषदेत अश्विनने आपल्या पराक्रमाबद्दल मत व्यक्त केले आणि त्यानंतर तो थेट चेन्नईस रवाना झाला.