Babar Azam joins Sydney Sixers for BBL 2025: पाकिस्तान क्रिकेट बोर्ड त्यांच्या ट्वेंटी-२० संघात बदल करण्याच्या तयारीत आहेत. अशात बाबर आझम, हॅरिस रौफ, शाहिन शआह आफ्रिदी व मोहम्मद रिझवान यांना ट्वेंटी-२० संघाबाहेर बसवण्याची चर्चा सुरू झाली आहे. अशात पाकिस्तानचा माजी कर्णधार बाबर आझम ऑस्ट्रेलियातील बिग बॅश लीगमध्ये खेळण्यासाठी सज्ज झाला आहे. सिडनी सिक्सर्स संघाने त्याला करारबद्ध केले आणि क्रिकेट ऑस्ट्रेलियाने शुक्रवारी ही घोषणा केली. ट्वेंटी-२०त पाकिस्तानकडून सर्वाधिक धावा करणाऱ्यांमध्ये बाबर ११३३० धावांसह दुसऱ्या क्रमांकावर आहे. त्याच्या नावावर ११ शतकं व ९३ अर्धशतकं आहेत.