Asia Cup 2025 साठी संभाव्य २५ खेळाडूंची नावे जाहीर; लिस्ट पाहून बसेल धक्का...

आशिया कप २०२५ स्पर्धा युएईमध्ये ९ ते २८ सप्टेंबरदरम्यान होणार आहे.अफगाणिस्तान आणि बांगलादेशने स्पर्धेसाठी प्राथमिक संघांची घोषणा केली आहे.अफगाणिस्तानच्या संघाचे नेतृत्व पुन्हा राशिद खानकडे सोपवण्यात आले आहे..अनेक चर्चांनंतर अखेर आशिया कप २०२५ स्पर्धा खेळवली जाणार असल्याचे स्पष्ट झाले आहेत. टी२० प्रकारात ही स्पर्धा खेळली जाणार असून जुलै २०२५ मध्ये वेळापत्रकही जाहीर झाले आहे. भारत - श्रीलंका या स्पर्धेचे आयोजक आहेत, मात्र ही स्पर्धा तटस्थ ठिकाणी म्हणजे संयुक्त अरब अमिराती येथे खेळवली जाणार आहे. ही स्पर्धा ९ सप्टेंबरपासून सुरू होत असून २८ सप्टेंबर रोजी अंतिम सामना होणार आहे. या स्पर्धेसाठी आता संघांच्या तयारीला सुरुवात झाली असून दोन देशांचे प्राथमिक संघा जाहीर झाले आहेत. बागंलादेशने २५ जणांचा, तर अफगाणिस्तानने २२ जणांचा प्राथमिक संघ जाहीर केले आहे..Asia Cup 2025: कसोटीनंतर गौतम गंभीर 'लाडक्या'ला T20I संघात घुसवणार; आशिया चषकासाठी नाव चर्चेत... घोषणेची तारीख ठरली .बांगलादेशचा संघ जाहीरबांगलादेशला नेदरलँड्सविरुद्ध तीन सामन्यांची टी२० मालका या महिन्याच्या अखेरीस खेळायची आहे. त्यानंतर ते आशिया कप स्पर्धा खेळतील. त्यासाठी बांगलादेशने २५ जणांचा संघ जाहीर केला आहे. या संघात नरुल हसनलाही संधी देण्यात आली आहे. गेल्या काही काळापासून देशांतर्गत क्रिकेटमध्य नरुल हसन आणि मोस्सदक हुसैन यांनी चांगली कामगिरी केली आहे. मात्र त्याला संघात संधी मिळत नव्हती. अखेर नरुलला बांगलादेशच्या प्राथमिक संघात संधी देण्यात आली आहे. मात्र मोस्सदककडे पुन्हा एकदा दुर्लक्ष करण्यात आले आहे. याशिवाय मेहदी हसन मिराजही त्याचे स्थान संघात टिकवण्यात यशस्वी ठरला आहे. लिटन दासकडे कर्णधारपद आहे..बांगलादेशला ३० ऑगस्ट ते ३ सप्टेंबर दरम्यान नेदरलँड्सविरुद्ध ३ सामन्यांची टी२० मालिका खेळायची आहे. त्यानंतर ते आशिया कपमधील पहिला सामना ११ सप्टेंबर रोजी हाँग काँग विरुद्ध खेळणार आहेत.बांगलादेशचा संघ - लिटन दास, तान्झिद हसन तमिम, नाईम शेख, सौम्य सरकार, परवेझ हुसेन इमॉन, तौहिद हृदोय, जाकर अली अनिक, मेहदी हसन मिराज, शमिम हुसैन, नाझमुल हुसैन शांतो, मोहम्मद रिशाद हुसैन, शक महेदी हसन, मोहम्मद तनवीर इस्लाम, नसूम अहमद, हसन मेहमुद, तस्किन अहमद, तान्झिम हसन साकिब, मोहम्मद शैफुद्दिन, नाहिद राणा, मुस्तफिजूर रेहमान, शोरिफूल इस्लाम, सईद खलीद अहमद, क्वाझी नरुल हसन सोहन, महिदुल इस्लाम भुयांन अंकोन, मोहम्मद सैफ हसन..Asia Cup 2025: कर्णधार सूर्यकुमार यादव भारताकडून खेळणार की नाही? महत्त्वाची अपडेट आली समोर.अफगाणिस्तानच्या संघाचीही घोषणाअफगाणिस्तानला आशिया कपपूर्ली पाकिस्तान आणि युएईविरुद्ध तिरंगी टी२० मालिका खेळायची आहे. त्यामुळे अफगाणिस्तानने तिरंगी मालिका आणि आशिया कपसाठी २२ जणांचा प्राथमिक संघ जाहीर केला आहे. या संघाचे कर्णधारपद राशिद खानकडे पुन्हा देण्यात आले आहे. राशिद अफगाणिस्तानचा अनुभवी खेळाडू आहे. तसेच अफगाणिस्तानने या संघात अनुभवी आणि युवा खेळाडूंचे संमिश्रण ठेवले आहे. या संघात अनुभवी मोहम्मद नबी, रेहमनुल्ला गुरबाज, अजमतुल्ला ओमरझाई, फझलहक फारुकी यांसारख्या अनुभवी खेळाडूंचा समावेश आहे. अफगाणिस्तानचा संघ तिरंगी मालिकेपूर्वी सराव शिबिरात सहभागी होणार आहे..दरम्यान तिरंगी मालिका २९ ऑगस्टला सुरू होणार आहे. त्यानंतर अफगाणिस्तानला आशिया कपमधील पहिला सामना ९ सप्टेंबरला हाँग काँगविरुद्ध खेळायचा आहे.अफगाणिस्तानचा संघ - रशीद खान (कर्णधार), रहमानउल्ला गुरबाज (यष्टीरक्षक), सेदीकुल्लाह अटल, वफीउल्लाह तरखिल, इब्राहिम झाद्रान, दरविश रसूली, मोहम्मद इशाक, मोहम्मद नबी, नांगयाल खरोती, शराफुद्दीन अश्रफ, करीम जनात, अजमतुल्ला उमरझाई, गुलबदीन नायब, मुजीब झाद्रान, एएम घझनाफर, नूर अहमद, फझलहक फारुकी, नवीन-उल- हक, फरीद मलिक, सलीम साफी, अब्दुल्ला अहमदझाई, बशीर अहमद..FAQs१. आशिया कप २०२५ कुठे होणार आहे?→ यंदाचा आशिया कप संयुक्त अरब अमिरातीमध्ये होणार आहे.(Where will Asia Cup 2025 be held?)२. अफगाणिस्तान संघाचा कर्णधार कोण आहे?→ राशिद खानकडे अफगाणिस्तान संघाचे कर्णधारपद आहे.(Who is the captain of Afghanistan for Asia Cup 2025?)३. बांगलादेशने किती सदस्यांचा प्राथमिक संघ जाहीर केला आहे?→ बांगलादेशने २५ जणांचा प्राथमिक संघ जाहीर केला आहे.(How many players are in Bangladesh’s preliminary squad?)४. बांगलादेशचा आशिया कप २०२५ मधील पहिला सामना कोणत्या संघाविरुद्ध आहे?→ बांगलादेशचा पहिला सामना हाँग काँगविरुद्ध आहे.(Who is Bangladesh’s first opponent in the Asia Cup?)५. अफगाणिस्तानचा आशिया कप २०२५ मधील पहिला सामना कधी आणि कोणाविरुद्ध आहे?→ आशिया कप २०२५ मधील ९ सप्टेंबरला हाँग काँगविरुद्ध अफगाणिस्तानचा पहिला सामना आहे.(When and against whom is Afghanistan's first match?).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Asia Cup 2025 साठी संभाव्य २५ खेळाडूंची नावे जाहीर; लिस्ट पाहून बसेल धक्का...

Related Stories