भारत आणि इंग्लंड संघात होत असलेली अँडरसन - तेंडुलकर ट्रॉफी २०२५ ही कसोटी मालिका सध्या रोमांचक वळणावर आहे. या मालिकेत पहिल्या दोन सामन्यांनंतर १-१ अशी बरोबरी झाली आहे. दुसऱ्या सामन्यात यजमान इंग्लंड संघाला भारतीय संघाने ३३६ धावांनी पराभवाचा मोठा धक्का दिला.
यासह बर्मिंगहॅममध्ये पहिल्या विजयाची नोंदही केली. या सामन्यानंतर मात्र आता इंग्लंड संघ खडबडून जागा झाल्याचे दिसत आहे. इंग्लंडने दुसरा सामना संपल्यानंतर काही तासातच संघात वेगवान गोलंदाज गस ऍटकिन्सनला संधी दिली आहे. तो दुखापतीमुळे संघातून बाहेर होता.
