Imran Tahir 46 years 148 days T20 world record : वय हा फक्त एक आकडा आहे, हे इम्रान ताहीरने पुन्हा एकदा सिद्ध केले. वयाच्या ४६ व्या वर्षीही इम्रान ट्वेंटी-२० क्रिकेट गाजवतोय आणि भारतीय रोहित शर्मा व विराट कोहलीच्या वयावरून चर्चा रंगवत आहेत. इम्रानने कॅरेबियन प्रीमिअर लीगमध्ये ( CPL 2025) मोठ्या विक्रमाला गवसणी घातली. गयाना अॅमेझॉन वॉरियर्सकडून खेळणाऱ्या ताहीरने अँटिग्वा अँड बार्बुडा फॅलकन्सविरुद्ध २१ धावांत ५ विकेट्स घेतल्या आणि संघाला ८३ धावांनी विजय मिळवून दिला. या कामगिरीसह ताहीरने विश्वविक्रमाला गवसणी घातली.