England Squad vs India T20I: भारताविरुद्धच्या ट्वेंटी-२० मालिकेसाठी इंग्लंडचा संघ जाहीर; वैभव सूर्यवंशीला रोखण्यासाठी २२ वर्षीय ऑलराऊंडरला संधी

England squad for India T20I series 2026 : हॅरी ब्रूकच्या नेतृत्वाखाली इंग्लंडचा संघ भारताविरुद्धच्या पाच ट्वेंटी-२० ( ENG vs IND ) सामन्यांच्या मालिकेत मैदानावर उतरणार आहे. हॅरी ब्रूक इंग्लंडच्या कसोटी संघाचा सदस्य आहे आणि तिसरी कसोटी संपल्यानंतर अवघ्या ४८ तासांत तो ट्वेंटी-२० मालिका खेळायला उतरेल. त्यासाठी त्याला नॉटिंगहॅम ते चेस्टर-ले-स्ट्रीट असा १५० माईल्सचा प्रवास करावा लागणार आहे. वर्ल्ड कप विजेत्या भारताला टक्कर देण्यासाठी जाहीर केलेल्या १७ वर्षीय संघात २२ वर्षीय जेम्स कोलेस ( James Coles) याची चर्चा आहे. भारतीय संघाकडूनही वैभव सूर्यवंशी ( Vaibhav Sooryavanshi) पदार्पण करण्याची शक्यता आहे. त्यामुळे या दोन युवा खेळाडूंच्या कामगिरीवर सर्वांचे लक्ष आहे.