HARMANPREET KAUR UPSET
India vs Australia Women’s World Cup 2025 highlights: भारतीय महिला संघाला आयसीसी वर्ल्ड कप स्पर्धेत सलग दुसऱ्या सामन्यात पराभवाचा सामना करावा लागला आहे. ऑस्ट्रेलियाने ३३१ धावांच्या लक्ष्याचा ३ विकेट्स राखून पाठलाग करून गुणतालिकेत अव्वल स्थानावरील पकड मजबूत केली. त्याचवेळी भारत सलग दोन पराभवामुळे तिसऱ्या स्थानावर अडकला आहे आणि आता आगामी सामन्यांत इंग्लंड व न्यूझीलंड सारख्या तगड्या प्रतिस्पर्धींचा सामना त्यांना करावा लागणार आहे. त्यामुळे यजमान भारत उपांत्य फेरीत पोहोचल की नाही अशी शंका आहे. अशात कर्णधार हरमनप्रीत कौरने ( Harmanpreet Kaur Reaction ) कालच्या पराभवाचं खापर खालच्या क्रमांकावरील फलंदाजांवर फोडलं आहे.