Jay Shah's Vision for 'Big 3' and two-tiered Test cricket system : आंतरराष्ट्रीय क्रिकेट परिषदेच्या ( ICC) अध्यक्षपदाची सूत्र हाती घेतल्यानंतर जय शाह यांच्या कल्पनांना भरारी मिळालेली पाहायला मिळतेय. चॅम्पियन्स ट्रॉफी २०२५च्या आयोजनावरून सुरू असलेला तिढा त्यांनी सोडवला. त्यांनी भारतीय क्रिकेट नियामक मंडळा (BCCI) सोबतच पाकिस्तान क्रिकेट बोर्डालाही ( PCB) खूश केले. आता २०२७ पर्यंत आयसीसीच्या स्पर्धा हायब्रिड मॉडेलनुसारच होतील. म्हणजे भारताचा संघ पाकिस्तानात खेळायला जाणार नाही, तसेच पाकिस्तानचा संघ भारतात येणार नाही. पण, पाकिस्तानला इथे खूश करताना जय शाह यांच्या डोक्यात मोठा गेम प्लान सुरू असल्याची भनकही त्यांनी लागू दिली नाही.
