India Semi Final Scenario : श्रीलंकेच्या विजयाने भारताचा मार्ग सुकर झाला; उपांत्य फेरीत पोहोचण्याचं गणित आणखी सोपं झालं

India vs New Zealand Women match qualification equation : बांगलादेश हा आयसीसी महिला वन डे वर्ल्ड कप स्पर्धेतून बाद होणारा पहिला संघ ठरला. श्रीलंकेने सोमवारी झालेल्या लढतीत बांगलादेशवर रोमहर्षक विजय मिळवला आणि उपांत्य फेरीच्या शर्यतीतून एक स्पर्धक बाहेर फेकला. श्रीलंकेच्या या विजयामुळे टीम इंडियाचा उपांत्य फेरीत जाण्याचा मार्ग अधिक सोपा झाला आहे. हरमनप्रीत कौरच्या नेतृत्वाखाली भारतीय संघाला मागील तीन सामन्यांत पराभव पत्करावा लागला, त्यामुळे त्यांचा उपांत्य फेरीत जाण्याच्या मार्गात आव्हानं उभी राहिली. पण, श्रीलंकेने भारताला आशेचा किरण दाखवला आहे.