Australia vs India Test: भारतीय संघ सध्या ऑस्ट्रेलिया दौऱ्यावर असून ५ सामन्यांची कसोटी मालिका खेळत आहे. आता या कसोटी मालिकेतील तिसरा सामना भारताला ऑस्ट्रेलियाविरुद्ध ब्रिस्बेनमधील द गॅबा या मैदानावर खेळायचा आहे. त्यामुळे भारतीय संघाला बुधवारी (११ डिसेंबर) ऍडलेडवरून ब्रिस्बेनला पोहचायचं होतं.
भारताने ऍडलेडला या कसोटी मालिकेतील दुसरा सामना अवघ्या अडीच दिवसातच गमावला. ऑस्ट्रेलियाने दिवस-रात्र पद्धतीने झालेल्या या सामन्यात १० विकेट्सने विजय मिळवला. दरम्यान, हा सामना अडीच दिवसच चालल्याने खेळाडूंना ज्यादाचे २ दिवस विश्रांती मिळाली.
