England vs India, 3rd Test at Lord's, London: नितीश कुमार रेड्डीने त्याच्या पहिल्याच षटकात इंग्लंडच्या सेट होऊ पाहणाऱ्या दोन्ही सलामीवीरांना माघारी पाठवले. बेन डकेट व झॅक क्रॉली यांनी संयमी खेळ करताना एक तास किल्ला लढवला होता, परंतु नितीशने दोघांची एकाग्रता भंग केली. चार चेंडूंत दोन विकेट्स गमावल्यानंतर जो रूट ( Joe Root) आणि ऑली पोप ही जोडी मैदानावर उभी राहिली आणि अर्धशतकी भागीदारी केली. त्याचवेळी भारतालाही मोठा धक्का बसला. यष्टीरक्षक रिषभ पंत ( Rishabh Pant) मैदानाबाहेर गेला आहे.