इंग्लंडने ७ बाद ५४४ धावा करत १८६ धावांची आघाडी घेतली आहे.
जो रूटने ३८वे कसोटी शतक ठोकत १५० धावांची खेळी करून अनेक विक्रम मोडले.
जसप्रीत बुमराहचा पाय जिन्यावर मुरगळल्याने त्याच्या फिटनेसबद्दल शंका निर्माण झाली आहे.
England vs India, 4th Test at Manchester Live: भारत-इंग्लंड चौथ्या कसोटीत यजमानांनी वर्चस्व गाजवलेलं पाहायला मिळतंय. भारताच्या ३५८ धावांच्या प्रत्युत्तरात इंग्लंडने तिसऱ्या दिवसाचा खेळ संपला तेव्हा ७ बाद ५४४ धावा करून १८६ धावांची आघाडी घेतली होती. तिसऱ्या दिवसाच्या शेवटच्या सत्रात टीम इंडियाच्या चिंता वाढवणाऱ्या गोष्टी घडल्या... प्रमुख जलदगती गोलंदाज जसप्रीत बुमराह ( Jasprit Bumrah) आणि मोहम्मद सिराज हे काहीकाळ मैदानाबाहेर गेले. जसप्रीतचा एक व्हिडीओ व्हायरल झाला आहे आणि त्यामुळे तो पूर्ण क्षमतेने गोलंदाजी करू शकेल का, अशी शंका उपस्थित होत आहे.