IND vs NZ 5th T20I: इशान किशन खेळणार, संजू सॅमसनचा पत्ता कट होणार? टीम इंडियाच्या बॅटींग कोचने दिले महत्त्वाचे अपडेट्स

Will Ishan Kishan play 5th T20I vs New Zealand? भारत-न्यूझीलंड यांच्यातला ट्वेंटी-२० मालिकेतील पाचवा आणि शेवटचा सामना शनिवारी खेळवला जाणार आहे. संजू सॅमसन ( Sanju Samson) त्याच्या घरच्या मैदानावर पहिलीच आंतरराष्ट्रीय ट्वेंटी-२० लढत खेळणार आहे आणि त्यामुळे त्याच्यावर अतिरिक्त दडपण असणार आहे. ट्वेंटी-२० वर्ल्ड कप स्पर्धेच्या तयारीच्या दृष्टीने ही मालिका महत्त्वाची होती, परंतु संजू चारही सामन्यात अपयशी ठरला. त्यामुळे उद्याच्या लढतीत प्लेइंग इलेव्हनमधील त्याच्या स्थानाबाबत अजूनही शंका आहे. चौथ्या सामन्याला मुकलेल्या इशान किशन ( Ishan Kishan) पाचव्या लढतीत पुनरागमन करेल, असे संकेत बॅटींग कोच सितांशु कोटक यांनी दिले आहेत. त्याचवेळी त्यांनी संजूबद्दलही महत्त्वाचं विधान केलं आहे.