IND vs NZ, Final: हा फिलिप्स वेडा माणूस आहे! आता तर हवेत मागे उडी मारून पकडलाय शुभमन गिलचा कॅच; रोहित शर्माचं शतक हुकलं

चॅम्पियन्स ट्रॉफी २०२५ स्पर्धा न्यूझीलंडचा अष्टपैलू ग्लेन फिलिप्सने त्याच्या क्षेत्ररक्षणाने गाजवली आहे. त्याने संपूर्ण स्पर्धेत अनेक अफलातून झेल घेतले आहेत. त्याच्या याच शानदार क्षेत्ररक्षणाचा प्रत्येय भारताविरुद्ध सुरू असलेल्या अंतिम सामन्यातही आला आहे.

रविवारी (९ मार्च) दुबईमध्ये न्यूझीलंड विरुद्ध भारत संघात अंतिम सामना होत आहे. या सामन्यात भारताने सुरुवात चांगली केली होती. पण नंतर न्यूझीलंडच्या फिरकीपटूंनी त्यांच्या संघाला सामन्यात पुनरागमन करून दिले.