Emotional Sanju Samson After Match-Winning Knock
ESAKAL
PoTM Sanju Samson Calls It ‘One of the Greatest Days of My Life’ : भारतीय संघाने ट्वेंटी-२० वर्ल्ड कप स्पर्धेच्या सुपर ८च्या सामन्यात वेस्ट इंडिजवर रोमहर्षक विजय मिळवला. संजू सॅमसनने ५० चेंडूंत १२ चौकार व ४ षटकार लगावत ९७ धावांच्या नाबाद खेळीसह वेस्ट इंडिजने ठेवलेले १९६ धावांचे लक्ष्य ४ चेंडू व ५ विकेट्स राखून पार करून दिले. भारताने ट्वेंटी-२० वर्ल्ड कप स्पर्धेत केलेला हा सर्वाधिक धावांच्या लक्ष्याचा यशस्वी पाठलाग ठरला आहे. यापूर्वी भारताने २०१४ मध्ये दक्षिण आफ्रिकेविरुद्ध धावांचा यशस्वी पाठलाग केला होता. ट्वेंटी-२० वर्ल्ड कप स्पर्धेत लक्ष्याचा पाठलाग करताना संजूने सर्वोत्तम भारतीय खेळाडूच्या वैयक्तिक खेळीचा विक्रम मोडला. वर्ल्ड कप स्पर्धेतील भारतीयाची ही दुसरी सर्वोत्तम वैयक्तिक खेळी ठरली. या विक्रमात सुरेश रैना ( १०१ धावा वि. द. आप्रिका, २०१०) अव्वल आहे.