मोहम्मद सिराजला मिळाला ICC चा मोठा पुरस्कार; म्हणाला, 'हा सन्मान फक्त माझा नाही, तर...'

मोहम्मद सिराजने इंग्लंड दौऱ्यातील कसोटी मालिकेत दमदार कामगिरी केली.त्यानंतर आता सिराजला आयसीसीकडून ऑगस्ट २०२५ महिन्यातील सर्वोत्तम खेळाडूचा पुरस्कार मिळाला आहे. त्याच्या उत्कृष्ट कामगिरीमुळे भारताने ५ सामन्यांची मालिका २-२ अशी बरोबरीत सोडवली..आंतरराष्ट्रीय क्रिकेट परिषदेकडून गेल्या अनेक वर्षांपासून प्रत्येक महिन्यात सर्वोत्तम महिला आणि पुरुष खेळाडूला पुरस्कार (ICC Player of the Month) देण्यात येतो. आता आयसीसीने ऑगस्ट २०२५ महिन्यातील सर्वोत्तम खेळाडूचीही घोषणा केली आहे. यंदा ऑगस्ट २०२५ महिन्यातील सर्वोत्तम पुरुष खेळाडूच्या पुरस्काराचा मानकरी भारताचा वेगवान गोलंदाज मोहम्मद सिराज ठरला आहे.सिराजने हा पुरस्कार जिंकताना न्यूझीलंडच्या मॅट हेन्री आणि वेस्ट इंडिजचा वेगवान गोलंदाज जेडन सिल्स यांना मागे टाकले आहे. हेन्री आणि सिल्स यांनाही सिराजसह ऑगस्ट २०२५ मधील सर्वोत्तम खेळाडूसाठी नामांकन मिळालं होतं. पण यात सिराजने बाजी मारली..Mohammed Siraj: बुमराह नसताना इंग्लंडविरुद्ध कसा केला भारी परफॉर्मन्स? सिराजनं उलगडलं यशाचं गुपित.मोहम्मद सिराजने ऑगस्टमध्ये इंग्लंडविरुद्ध द ओव्हलमध्ये एकमेव कसोटी सामना खेळला, पण हा कसोटी सामना त्याच्या कारकिर्दीतील सर्वोत्तम सामन्यांपैकी एक ठरला. त्याने केलेल्या कामगिरीमुळे भारताने ५ सामन्यांची कसोटी मालिका २-२ अशी बरोबरीत सोडवली. द ओव्हल कसोटीत सिराजने दोन्ही डावात मिळून २१.११ च्या सरासरीने ९ विकेट्स घेतल्या होत्या. त्याने दुसऱ्या डावात ५ विकेच्स घेतल्या होत्या. सिराजने इंग्लंडविरुद्ध सर्व ५ सामने खेळले होते आणि इंग्लंडविरुद्धच्या मालिकेत सर्वाधिक विकेट्स घेणाराही तो गोलंदाज ठरला..हा पुरस्कार जिंकल्यानंतर सिराज म्हणाला, 'आयसीसीचा महिन्यातील सर्वोत्तम खेळाडूचा पुरस्कार जिंकणे हा विशेष सन्मान आहे. अँडरसन-तेंडुलकर ट्रॉफी ही अविस्मरणीय मालिा होती. अत्यंच चुरशीच्या झालेल्या या मालिकेचा मी भाग राहिलो.''मी माझ्या गोलंदाजीने योगदान देऊ शकलो, विशेषत: महत्त्वाच्या क्षणी, याचा अभिमान आहे. एका चांगली फलंदाजी असलेल्या संघाविरुद्ध त्यांच्याच मैदानात गोलंदाजी करणे आव्हानात्मक होते. पण त्यातून माझ्यातील सर्वोत्तम कामगिरी बाहेर आली.'.तो पुढे म्हणाला, 'हा पुरस्कार जसा माझा आहे, तसाच तो माझ्या संघसहकऱ्यांचा आणि सपोर्ट स्टाफचा आहे. कारण त्यांनी दिलेल्या सततच्या प्रोत्साहानामुळे आणि विश्वासामुळे मी पुढे जात राहिलो. मी जेव्हाही भारताची जर्सी घालेल, तेव्हा मी कठोर मेहनत करत राहिल आणि माझे सर्वोत्तम देईल.'.महिलांचं राज्य! ODI World Cup मध्ये दिसणार बदलाचे वारे; ICC च्या ऐतिहासिक निर्णयाचे जगभरातुन कौतुक.महिलांमध्ये ओरला प्रेंडरगास्टची बाजीऑगस्ट २०२५ मधील सर्वोत्तम महिला क्रिकेटपटूचा पुरस्कार आयर्लंडची अष्टपैलू ओरला प्रेंडरगास्टला मिळाला आहे. तिने नेदरलँड्सच्या इरिस झ्विलिंग आणि पाकिस्तानच्या मुनीबा अली यांना मागे टाकत हा पुरस्कार जिंकला आहे. तिने ऑगस्टमध्ये पाकिस्तान महिला संघाविरुद्ध झालेल्या टी२० मालिकेत २ अर्धशतकांसह १४४ धावा केल्या होत्या..FAQs१. मोहम्मद सिराजला कोणता पुरस्कार मिळाला?➤ सिराजला ऑगस्ट २०२५ साठी ICC Men’s Player of the Month पुरस्कार मिळाला.(What award did Mohammed Siraj win?)२. सिराजने कोणत्या मालिकेत उल्लेखनीय कामगिरी केली?➤ त्याने अंडरसन-तेंडुलकर ट्रॉफीतील शेवटच्या कसोटीत भेदक गोलंदाजी केली.(In which series did Siraj perform exceptionally?)३. द ओव्हल कसोटीत सिराजने किती बळी घेतले?➤ त्याने नऊ बळी घेतले, ज्यात दुसऱ्या डावात पाच बळींचा समावेश होता.(How many wickets did Siraj take in The Oval Test?)४. या मालिकेत सिराज एकूण किती बळी घेण्यात यशस्वी झाला?➤ तो ५ कसोटीत २३ बळी घेण्यात यशस्वी झाला.(How many wickets did Siraj take in the series?)५. सिराजने आपल्या वक्तव्यात काय म्हटले?➤ त्याने सांगितले की हा पुरस्कार संघ आणि सपोर्ट स्टाफच्या योगदानामुळे शक्य झाला.(What did Siraj say in his statement?).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

मोहम्मद सिराजला मिळाला ICC चा मोठा पुरस्कार; म्हणाला, 'हा सन्मान फक्त माझा नाही, तर...'

Related Stories