India Cricket Matches in 2026: टी२० वर्ल्ड कप ते इंग्लंड, न्यूझीलंडचे दौरे... भारतीय संघाचे २०२६ वर्षात कसे आहे संपूर्ण वेळापत्रक?

Team India Schedule for 2026: २०२५ वर्ष संपून आता नव्या वर्षाची सुरुवात झाली आहे. २०२५ हे वर्ष भारतीय क्रिकेटसाठी खास ठरले. भारतीय पुरुष संघाने या वर्षात चॅम्पियन्स ट्रॉफी, आशिया कप अशा मोठ्या स्पर्धाही जिकंल्या. आता नव्या वर्षात भारतीय संघासमोर टी२० मधील विश्वविजेतेपद राखण्याचे आव्हान आहे.

याशिवाय कसोटी क्रिकेटमध्ये वर्ल्ड टेस्ट चॅम्पियनशीप स्पर्धेतील आव्हान कायम ठेवण्याचे आव्हान असेल. कारण २०२५ वर्ष कसोटी क्रिकेटमध्ये तरी भारतीय संघासाठी खास ठरलं नाही. मायदेशात दक्षिण आफ्रिकेविरुद्ध मालिका गमावावी लागली.