Shubman Gill - Ishan Kishan Century | India vs Afghanistan
Sakal
India vs Afghanistan 2nd ODI: भारत आणि अफगाणिस्तान संघात बुधवारी (१७ जून) वनडे मालिकेतील दुसरा वनडे सामना लखनौ येथे सुरू आहे. या सामन्यात भारतीय संघाने अफगाणिस्तानविरुद्ध ४०० धावा पार करत धावांचा डोंगर उभा केला आहे.
भारताने अफगाणिस्तानसमोर ४०३ धावांचे लक्ष्य ठेवले आहे. भारताकडून शुभमन गिल आणि ईशान किशन (Shubman Gill - Ishan Kishan) यांनी शतक केले आहेत.
या सामन्यात अफगाणिस्तानने नाणेफेक जिंकून प्रथम फलंदाजी करण्याचा निर्णय घेतला होता. त्यामुळे भारतीय संघ प्रथम फलंदाजीसाठी उतरला. भारताकडून यशस्वी जैस्वाल आणि रोहित शर्मा ही सलामी जोडी मैदानात उतरली. पण जैस्वालने दुसऱ्याच षटकात ४ धावांवर विकेट गमावली. त्याला सलीम साफीने बाद केले.
