Cricket
IND vs ENG: ६,४,६,४,०,६...इंग्लंडच्या ओपनरने आधी हर्षित राणाला धुतलं अन् मग भारतीय गोलंदाजानं दोघांना बाद करत दाखवला इंगा
Harshit Rana Dramatic ODI Debut: हर्षित राणाने नागपूर वनडेतून पदार्पण केले आहे. त्याच्यासाठी हे पदार्पण काहीसे नाट्यपूर्ण राहिले. त्याच्या नावावर एक नकोसा विक्रमही झाला आणि त्याने इंग्लंडच्या महत्त्वाच्या विकेट्सही घेतल्या.
भारत आणि इंग्लंड यांच्यातील पहिला वनडे सामना गुरुवारी (६ फेब्रुवारी) नागपूरमध्ये सुरू झाला. विदर्भ क्रिकेट असोसिएशन स्टेडियमवर खेळला जात असलेल्या या सामन्यात इंग्ंलड संघाकडून सुरुवात चांगली झाली आहे. मात्र, भारताचा वेगवान गोलंदाज हर्षित राणासाठी मात्र पदार्पणाची सुरुवात नाट्यमय राहिली.
या सामन्यात इंग्लंडचा कर्णधार जॉस बटलरने नाणेफेक जिंकून प्रथम फलंदाजी करण्याचा निर्णय घेतला होता. मात्र, भारताचा कर्णधार रोहित शर्माने सांगितले की त्याला प्रथम गोलंदाजीच करायची होती. त्यामुळे नाणेफेक हरल्यानंतरही गोलंदाजीच करायला मिळणार आहे.