IND vs PAK: मोहसीन नक्वींनी पाकिस्तान हरतंय लक्षात येताच केला पोबारा; गाडीत बसून पसार होतानाचा Video Viral

PCB Chief Mohsin Naqvi’s Early Exit: टी२० वर्ल्ड कप २०२६ स्पर्धेतील भारत - पाकिस्तान सामन्यापूर्वी मोठमोठ्या बाता करणाऱ्या पाकिस्तान क्रिकेट बोर्डाचे (PCB) अध्यक्ष मोहसीन नक्वींनी सामन्यादरम्यान मात्र अचानक काढता पाय घेतल्याचे दिसले. कोलंबोतील आर प्रेमदासा स्टेडियमवर झालेल्या या सामन्यात भारतीय संघाने पाकिस्तानला ६१ धावांनी पराभूत केले.

भारताचा हा स्पर्धेतील तिसरा विजय ठरला. त्यामुळे भारताने सुपर ८ फेरीचेही तिकीट मिळवले आहे. दरम्यान गेल्या आठवड्यापर्यंत हा सामना होईल की नाही, यावर प्रश्नचिन्ह होते. पाकिस्तानने बहिष्काराचा निर्णय घेतला होता, पण नंतर आयसीसीसोबतच्या (ICC) बैठकीनंतर त्यांनी हा निर्णय मागे घेतला. त्यामुळे रविवारी हा सामना अखेर नियोजित वेळेत पार पडला.