IPL Mock Auction: भारतीय फिरकीपटूंना मोठी मागणी, 'हा' खेळाडू ठरला सर्वात महागडा; पाहा टॉप-५ लिस्ट

आयपीएल २०२६ च्या मॉक लिलावात कॅमेरॉन ग्रीनला सर्वाधिक ३०.५० कोटींची बोली मिळाली. रवी बिश्नोई सर्वात महागडा भारतीय खेळाडू ठरला. लिलावात फिरकीपटूंना मोठी मागणी होती. .इंडियन प्रीमियर लीग स्पर्धेचा १९ वा हंगाम (IPL 2026) पुढच्या वर्षी खेळवला जाणार आहे. पण त्याआधी अबुधाबीमध्ये मंगळवारी (१६ डिसेंबर) आयपीएल २०२६ साठी खेळाडूंचा लिलाव पार पडणार आहे. या लिलावासाठी नोंदणी केलेल्या हजारो खेळाडूंमधून ३५९ खेळाडूंची अंतिम निवड करण्यात आली आहे. आता या ३५९ खेळाडूंमधूनही केवळ ७७ खेळाडूंनाच बोली लागू शकते. कारण १० संघात मिळून केवळ ७७ खेळाडूंची जागा शिल्लक आहे. दरम्यान, हा लिलाव होण्यापूर्वी सोमवारी ब्रॉडकास्टर स्टार स्पोर्ट्सकडून आयपीएल २०२६ चा मॉक लिलाव घेण्यात आला होता. यामध्ये सुरेश रैना, मोहम्मद कैफ, संजय बांगर, चेतेश्वर पुजारा, अनिल कुंबळे, रॉबिन उथप्पा असे अनेक माजी खेळाडू विविध फ्रँचायझींचे प्रतिनिध्व करताना खेळाडूंवर बोली लावताना दिसले. .IPL 2026 Auction : उद्या लिलाव अन् पठ्ठ्याने आज ठोकले खणखणीत शतक... कुटल्या १५ चेंडूंत ७२ धावा; RCB च्या माजी खेळाडूची धमाल.या मॉक लिलावात गेल्या काही दिवसांपासून चर्चेत राहलेल्या बऱ्यात खेळाडूंवर बोली लावण्यात आली. यंदाच्या लिलावातही काही खेळाडूंवर मोठ्या रकमेची बोली लागण्याचे अंदाज वर्तवण्यात आले आहेत.सध्या लिलावातील सर्वात महागडा खेळाडू ठरण्याचा विक्रम रिषभ पंतच्या नावावर आहे, ज्याला गेल्यावर्षी २७ कोटींची बोली लागली होती. त्यामुळे आता मंगळवारी होणाऱ्या लिलावात हा विक्रम मोडला जाणार का याकडे अनेकांचे लक्ष आहे. दरम्यान मॉक लिलावात तरी हा विक्रम मोडला गेला आहे..ऑस्ट्रेलियाचा अष्टपैलू खेळाडू कॅमेरॉन ग्रीनकडे सर्वांचे लक्ष असणार आहे. मॉक लिलावातही त्याला मोठी मागणी दिसली. मॉक लिलावात त्याच्यासाठी चेन्नई सुपर किंग्सचे प्रतिनिधित्व करणाऱ्या सुरेश रैना आणि कोलकाता नाईट रायडर्सचे प्रतिनिधित्व करणाऱ्या रॉबिन उथप्पा यांच्यात चुरस रंगली. पण अखेर कोलकाताने ३०.५० कोटींची बोली त्याच्यासाठी लावली. त्यामुळे तो सर्वात महागडा खेळाडू ठरला..त्यानंतर लियाम लिव्हिंगस्टोन या इंग्लंडच्या अष्टपैलू खेळाडूने गेल्या काही सामन्यांमध्ये केलेल्या कामगिरीमुळे त्यालाही मोठी बोली लागेल अशी शक्यता होती. त्यानुसार मॉक लिलावात त्याच्यासाठी लखनौ सुपर जायंट्सने १९ कोटी रुपयांची बोली लावली.चेन्नई सुपर किंग्सने संघातून बाहेर केलेल्या मथिशा पाथिरानाही यंदा लिलावात असून त्याच्यासाठी कोलकाताकडून १३ कोटींची बोली लावण्यात आली. मॉक लिलावात सर्वात महागड्या ठरलेल्या पहिल्या तीन क्रमांकांवर परदेशी खेळाडूच राहिले..भारताचा सर्वात महागडा खेळाडूदरम्यान, मॉक लिलावात सर्वात महागडा भारतीय खेळाडू ठरण्याचा मान रवी बिश्नोईला मिळाला. त्याला संघात घेण्यासाठीही बरीच चुरस दिसली. तो भारताचा आयसीसी क्रमवारीत अव्वल क्रमांकाचा टी२० गोलंदाजही काही महिन्यांपूर्वी होता. बिश्नोईसाठी राजस्थान रॉयल्सचे प्रतिनिधित्व करणाऱ्या आकाश चोप्राने ११.५० कोटी रुपयांची बोली लावली.फिरकी गोलंदाज असलेल्या बिश्नोई भारतासाठी ४२ टी२० सामने खेळला आहे. त्याने यात ६१ विकेट्स घेतल्या आहेत. त्याने आयपीएलमध्ये ७७ सामने खेळले असून ७२ विकेट्स घेतल्या आहेत.याशिवाय या मॉक लिलावात फिरकीपटू राहुल चाहरसाठीही १० कोटींची बोली लावली. त्याच्यासाठी चेन्नई सुपर किंग्सने ही बोली लावली. चेन्नई सुपर किंग्सने सर्फराज खानसाठीही ७ कोटींची बोली लावली..IPL Mock Auction: लायम लिव्हिंगस्टोनला १९ कोटी, सर्फराज खान CSK च्या ताफ्यात; वेंकटेश अय्यर अन् पृथ्वी शॉ यांना मिळाला खरीददार.लक्षात घेण्यासारखी गोष्ट अशी की सध्या आयपीएल २०२६ लिलावासाठी सर्वाधिक रक्कम कोलकाता नाईट रायडर्सकडे आहे. ते ६४.३ कोटी रुपयांसह लिलावात उतरणार आहेत, तर दुसऱ्या क्रमांकावर चेन्नई सुपर किंग्स आहेत. ते ४३.४० कोटी रुपयांसह मैदानात उतरतील. सर्वात कमी रक्कम मुंबई इंडियन्सकडे आहे. त्यांच्याकडे २.७५ कोटी रुपये आहेत.आयपीएल २०२६ मॉक लिलावातील सर्वात महागडे खेळाडूकॅमेरून ग्रीन - ३०.५० कोटी (कोलकाता नाईट रायडर्स)लियाम लिव्हिंगस्टोन - १९ कोटी (लखनौ सुपर जायंट्स)मथिशा पाथिराना - १३ कोटी (कोलकाता नाईट रायडर्स)रवी बिश्नोई - ११.५० कोटी (राजस्थान रॉयल्स)राहुल चाहर - १० कोटी (चेन्नई सुपर किंग्स).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IPL Mock Auction: भारतीय फिरकीपटूंना मोठी मागणी, 'हा' खेळाडू ठरला सर्वात महागडा; पाहा टॉप-५ लिस्ट

Related Stories