Prithvi Shaw spotted enjoying a ‘Chidiya Udd’ game in the Delhi Capitals dugout.
esakal
Rajasthan Royals vs Delhi Capitals Marathi Update: ऐक काळ असा होता की पृथ्वी शॉ ( Prithvi Shaw ) याची महान फलंदाज सचिन तेंडुलकर व ब्रायन लारा यांच्यासोबत तुलना झाली होती. पृथ्वीने देशांतर्गत क्रिकेट गाजवले होते आणि भारतीय संघाकडून त्याला पदार्पणाची संधीही मिळालेली. पण, दुखापतीमुळे तो संघाबाहेर झाला अन् नंतर अनेक वादात अडकत गेला. त्यामुळे त्याच्यासाठी टीम इंडियाचे दरवाजे बंद झाले ते झालेच... फक्त टीम इंडियाच नव्हे, तर मुंबईच्या संघानेही त्याला गैरशिस्तीमुळे बाहेर केले, दिल्ली कॅपिटल्सनेही एका हंगामात त्याला संघात घेतले नव्हते. आपल्या खेळाने चर्चेत राहिलेला पृथ्वी आज चक्क दिल्ली कॅपिटल्सच्या डग आऊटसमोर बसून 'चिमणी उडे, कावळा उडे'खेळताना दिसला अन् नेटकऱ्यांमध्ये चर्चा सुरू झाली.
