Juhi Chawla Support Lalit Modi? KKR मालकाने ललित मोदीची 'री ओढली'; IPL वेळापत्रक बदलण्याची मागणी, नेमकं काय शिजतंय?

Juhi Chawla demands IPL schedule change from April-May to January: कोलकाता नाइट रायडर्स फ्रँचायझीची सह मालक जुही चावला हिने इंडियन प्रीमिअर लीगच्या वेळापत्रकात बदलाचा प्रस्ताव ठेवला आहे. मार्च ते मे महिन्यातील प्रचंड उकाड्यात आयपीएल न खेळवता ती जानेवारीपासून सुरू व्हायला हवी, असे मत जुही चावलाने व्यक्त केले. "आयपीएलला आता क्रिकेटच्या वेळापत्रकात आपले स्थान शोधण्याची गरज नाही. त्यावर प्रभाव टाकण्याचा हक्क तिने मिळवला आहे,” असे तिने सोमवारी X वर पोस्ट केले. विशेष बाब म्हणजे आयपीएलचे पहिले अध्यक्ष ललित मोदीने आधी हा प्रस्ताव मांडला होता आणि आता जुही चावलाच्या रूपाने मोदीला किमान एक समर्थक मिळाला आहे.