Australia vs India 3rd Test: ऑस्ट्रेलिया विरुद्ध भारत संघात कसोटी मालिकेतील तिसरा सामना नाट्यपूर्ण ठरला. ब्रिस्बेनमधील द गॅबा स्टेडियमवर होत असलेल्या या सामन्यात बराचवेळ पावसाचाच व्यत्यय पाहायला मिळाला. त्यामुळे बराच खेळ वाया गेला. पण असे असले तरी काही खेळाडूंनी या सामन्यात मोठ्या विक्रमांनाही गवसणी घातली.
यामध्ये आता जसप्रीत बुमराह आणि आकाश दीप यांचाही समावेश आहे. भारतीय संघांच्या या वेगवान गोलंदाजांनी या सामन्यात फलंदाजीत मोठा पराक्रम करत ३३ वर्षे जुन्या विक्रमाला मागे टाकले आहे.
