नॉर्थ साऊंड : ऑस्ट्रेलियाने टी-२० विश्वकरंडकातील साखळी फेरीच्या लढतीत घवघवीत यश संपादन केले. तीन विजयांसह त्यांनी ‘सुपर आठ’ फेरीतही प्रवेश केला आहे. मात्र, साखळी फेरीतील या कामगिरीचा ‘सुपर आठ’ फेरीत कोणताही फायदा होणार नाही. याच कारणामुळे ऑस्ट्रेलियाचा वेगवान गोलंदाज जॉश हॅझलवूड याने टी-२० विश्वकरंडकाच्या फॉरमॅटवर टीका केली आहे.
जॉश हॅझलवूड म्हणाला, साखळी फेरीत सर्व सामन्यांत विजय मिळवून चांगला नेट रनरेट ठेवल्यानंतरही याचा फायदा ‘सुपर आठ’ फेरीत होणार नाही. अशा नियमांचा टी-२० विश्वकरंडक पहिल्यांदाच आयोजित केला जात आहे, याचे आश्चर्य वाटत आहे.
दरम्यान, हॅझलवूड याने फिरकी गोलंदाज ॲडम झॅम्पा याच्या गोलंदाजीचेही कौतुक केले. तो म्हणाला, ॲडम झॅम्पा हा ऑस्ट्रेलियन संघाचा अविभाज्य घटक आहे. त्याने एकदिवसीय तसेच टी-२० क्रिकेटमध्ये उल्लेखनीय कामगिरी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.