MITCHELL STARC: मिचेल स्टार्क-शोरिफुल इस्लामचा अनोखा पराक्रम; १४९ वर्षांच्या कसोटी इतिहासात दुसऱ्यांदा घडलं असं काही!

Mitchell Starc and Shoriful Islam: ऑस्ट्रेलिया आणि बांगलादेश यांच्यातील दुसऱ्या कसोटी सामन्यात एक अनोखा पराक्रम पाहायला मिळाला. मिचेल स्टार्क आणि शोरिफुल इस्लाम या दोन्ही डावखुऱ्या वेगवान गोलंदाजांनी काही तासांच्या अंतराने सहा-सहा बळी घेतले. कसोटी क्रिकेटच्या १४९ वर्षांच्या इतिहासात एकाच सामन्यात दोन डावखुऱ्या वेगवान गोलंदाजांनी सहा बळी घेण्याची ही केवळ दुसरी वेळ ठरली.

यापूर्वी असा पराक्रम १९५८-५९ च्या नववर्ष ऍशेस कसोटीत झाला होता. त्या सामन्यात ऑस्ट्रेलियाच्या ॲलन डेव्हिडसनने पहिल्या डावात ६/६४ अशी गोलंदाजी केली होती. त्यानंतर इयान मेकिफने दुसऱ्या डावात ६/३८ अशी कामगिरी करत ऑस्ट्रेलियाच्या विजयात महत्त्वाची भूमिका बजावली होती.