India vs New Zealand 3rd ODI
Sakal
India lost ODI Series against New Zealand: न्यूझीलंडच्या वनडे संघाने रविवारी (१८ जानेवारी) इतिहास घडवला आहे. इंदोरच्या होळकर क्रिकेट स्टेडियमवर झालेल्या वनडे मालिकेतील तिसरा आणि निर्णयाक सामन्यात न्यूझीलंडने भारताला ४१ धावांनी पराभूत केले. त्यामुळे न्यूझीलंडने ही तीन सामन्यांची मालिका २-१ अशा फरकाने जिंकली.
न्यूझीलंडने त्यांच्या क्रिकेट इतिहासात पहिल्यांदाच भारतात वनडे मालिका (ODI Series Victory) जिंकली आहे. १९८९ पासून न्यूझीलंड भारतात वनडे मालिका खेळत होते, मात्र त्यांना यापूर्वी कधीही मालिका जिंकता आली नव्हती. तसेच भारताने २०१९ नंतर पहिल्यांदाच वनडे मालिका मायदेशात गमावली आहे.
न्यूझीलंडने (New Zealand Cricket Team) भारतासमोर विजयासाठी ३३८ धावांचे लक्ष्य ठेवले होते. या लक्ष्याचा पाठलाग करताना भारताचा संघ ४६ षटकात सर्वाबाद २९६ धावाच करता आल्या. विराट कोहलीचे शतक (Virat Kohli) आणि हर्षित राणा व नितीश कुमार रेड्डी यांची अर्धशतकं व्यर्थ ठरली.
