T20 World Cup : इंग्लंडच्या विजयाने India vs Pakistan सामन्याच्या आशा मावळल्या! उपांत्य फेरीत दोन्ही संघ समोरासमोर नाही येऊ शकणार

England’s Victory Ends Hopes of India-Pakistan Semifinal Clash: भारत आणि पाकिस्तान यांच्यात ट्वेंटी-२० वर्ल्ड कप स्पर्धेत उपांत्य फेरीचा सामना आता होणे शक्य नाही. इंग्लंडने काल सुपर ८च्या लढतीत पाकिस्तानला पराभूत करून ग्रुप २ मधून उपांत्य फेरीतील आपले स्थान पक्के केले आहे. हॅरी ब्रूकच्या शतकाने इंग्लंडला सुपर ८ मधील सलग दुसरा विजय मिळवून दिला आणि ४ गुणांसह उपांत्य फेरीत पोहोचणारा तो पहिला संघ ठरला. आता ग्रुप २ मधून पाकिस्तान, न्यूझीलंड आणि श्रीलंका यांच्यात एका स्थानासाठी चुरस रंगणार आहे. पण, चाहत्यांना ज्या सामन्याची म्हणजेच भारत विरुद्ध पाकिस्तान उत्सुकता होती, तो सामना आता होणार नाही.