vaibhav sooryavanshi च नाही, तर भारताच्या बाकी फलंदाजांनीही श्रीलंकन गोलंदाजांना झोडलं अन् उभं केलं डोंगराएवढं लक्ष्य

India A vs Sri Lanka A: भारताचा अ संघ सध्या श्रीलंका दौऱ्यावर असून, भारत, श्रीलंका आणि अफगाणिस्तान यांच्यातील त्रिदेशीय मालिकेचा अंतिम सामना आज रंगत आहे. दाम्बुला येथील रंगिरी आंतरराष्ट्रीय स्टेडियमवर खेळल्या जात असलेल्या या सामन्यात श्रीलंका 'अ' संघाने नाणेफेक जिंकून प्रथम गोलंदाजी करण्याचा निर्णय घेतला. मात्र, भारतीय फलंदाजांनी सुरुवातीपासूनच आक्रमक पवित्रा घेत श्रीलंकन गोलंदाजांचा चांगलाच समाचार घेतला आणि धावांचा डोंगर उभा केला.